Primaret dhe protesta kundër BE-SH.B.A., presion për vulën në Apel!

Primaret dhe protesta janë të lidhura ngushtë me politikën e Sali Berishës dhe mbështetësve të tij kundër BE-SHBA, perëndimit dhe i bëjnë presion gjykatës së apelit për vulën e PD-së.

Politika e së shkuarës kërkon të sfidojë perëndimin dhe i bën presion gjykatave të pavarura. Në këtë kontekst këshilltarët pranë rithemelimit janë përzgjedhur me qëllime të caktuara për të shpëtuar ish-ministrat e korruptuar të tollovisë 32 vjeçare që kanë penguar integrimin e Shqipërisë në BE. Propaganda dhe linçimi janë edhe filozofia e Foltores dhe Berishës. Parregullsitë në procesin e primareve, listat e mbushura me socialistë që janë kundër Ramës, lufta për pushtet dhe përfitime në kurriz të qytetarëve  është në dëm të PD-së dhe demokratëve të ndershëm. Primaret janë të kontrolluara deri në detaje nga Berisha dhe familjarët e tij dhe shiten si model demokratik brenda foltores. Me të drejtë analistët deklarojnë se primaret nuk mbahen për herë të parë në PD. Primaret e vitit 2001 sollën përçarje në PD dhe i dhanë shansin Edi Ramës si Kryetarë Bashkie në Tiranë. Primaret do të shënojnë e fundin e trekëndëshit të Bermudës dhe tentojnë të përçajnë dyshen Veliaj-Rama. Primaret do të shënojnë e shkërmoqjen e Foltores dhe janë mbështetje e pastër për Erion Veliaj. Samiti i datës 6 dhjetorë i BE nuk organizohet as për Edi Ramën as për Berishën, por për Shqipërinë euro-atlantike dhe i jep fund teorisë dhe doktrinës së Ramiz Alisë se Shqipëria nuk i takon as lindjes as perëndimit. Pikërisht Foltorja organizon një protestë më datën 6 dhjetorë, që nuk ka të bëjë me hallet dhe problematikat e shqiptarëve por me interesat personale të Berishës dhe të ish-komunistëve ne foltore, ish-ministrave të korruptuar në 32 vite dhe është një sfidë për perëndimin.

Në këtë kontekst protesta është gjithashtu edhe presion për gjykatën e apelit për vulën e PD-së. Por reforma në drejtësi me mbështetjen amerikane dhe samiti i datës 6 dhjetorë janë zhvillime të pakthyeshme historike për të ardhmen e Shqipërisë dhe shqiptarëve në perëndim, do të shënojnë fundin e komunizmit dhe politikës lindore dhe një gjeopolitikë të re për të gjithë shqiptarët në Ballkan.