Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Pse GAO vlerëson Kryetarin e KLSH?

Postuar: 11/12/2018 - 07:13

Zyra e Llogaridhënies Qeveritare(GAO) të Shteteve të Bashkuara të Amerikës është institucioni i auditimit suprem publik më i zhvilluar në botë. GAO është një institucion lider i INTOSAI-t, organizatës botërore të institucioneve supreme të auditimit(SAI-ve), jo vetëm për vlerat që mbart, por edhe për kontributin historik që ka dhënë. Rreth 26 vite më parë, në vitin 1992, GAO organizoi Kongresin INCOSAI XIV të INTOSAI-t në Uashington D.C.. Eveniment ky që shënoi zhvillimin më të rëndësishëm në komunitetin e SAI-ve deri në atë kohë, pas Kongresit INCOSAI IX të INTOSAI-t në Lima të Perusë në vitin 1977. Kongresi i Uashingtonit u përqëndrua në standardet dhe udhëzimet për auditimin suprem publik. Nga Uashingtoni nisi rrugëtimin saga e produktit kryesor të auditimit publik në botë (që më pas tërhoqi edhe vëmendjen e OKB-se dhe sot përbën bazën e monitorimit të Axhendës së saj të Zhvillimit 2030), standardet ISSAI të pranuara ndërkombëtarisht të auditimit suprem publik. Në kryeqytetin amerikan mori formën e qartë dhe të plotë moto e INTOSAI-t “Experentia mutua Omnibus prodest(Nga eksperienca e përbashkët fitojnë të gjithë)”.

Tre ditë më parë, drejtuesi i GAO-s, Kontrollori i Përgjithshëm i SHBA-ve, Gene L. Dodaro, personaliteti nr. 1 i auditimit suprem publik sot në botë takoi në Ëashington D.C. në zyrën e tij Kryetarin e Kontrollit të Lartë të Shtetit, Bujar Leskaj. Është e treta herë në katër vjet(2015-2018) që e pret në zyrën e tij, si dhe katër herë takime zyrtare në kongrese dhe evente të tjera kryesore të organizatës botërore të auditimit suprem publik, INTOSAI-t. Një frekuencë të tillë takimesh nuk e ka arritur asnjë nga drejtuesit e institucioneve supreme të auditimit të rajonit Ballkanik. Arsyeja është e thjeshtë. Institucioni shqiptar i auditimit ka ditur, në sajë të kryetarit të tij, të jetë tërësisht i pavarur nga politika për shtatë vjet rresht 2012-2018, si dhe të zhvillojë kapacitetet audituese të institucionit. Në vitin 2011, një auditues i KLSH merrte vetëm 2.1 ditë trajnimi në vit. Mesatarja e shtatë viteve 2012-2018 për çdo auditues është 25 ditë trajnimi në vit. Pavarësia dhe dija në auditim janë dy asetet që organizata ndërkombëtare e institucioneve supreme të auditimit(SAI-ve), INTOSAI dhe organizata e saj rajonale në Evropë, EUROSAI, si dhe vetë SAI-t e zhvilluara vlerësojnë më shumë tek simotrat e tyre, qofshin këto edhe të vendeve më të vogla. GAO e vlerëson Kryetarin e KLSH Bujar Leskaj për frymën reformuese që solli në institucion. Në shtatë vjet KLSH përgatiti dhe miratoi në Kuvend ligjin e ri integral të institucionit të vitit 2014, në përputhje të plotë me standardet e INTOSAI-t, e përqëndroi vëmendjen tek auditimi i performancës, duke realizuar 80 të tillë për periudhën 2013-2018, nga një numër i papërfillshëm në vitet 2004-2011, kreu 300 kallzime penale në 7 vjet, ose nga një kallzim në javë, ose dy herë më shumë se periudha 2004-2011, investoi tek auditimet e teknologjisë së informacionit, kur më parë ky lloj auditimi nuk njihej dhe nuk zhvillohej në institucion, realizoi 6 konferenca shkencore ndërkombëtare të KLSH, zhvilloi muajin e hapur të institucionit me qytetarët, realizoi kolanën “Botimet KLSH” me 101 tituj librash në 7 vjet, mundësoi 672 shkrime të drejtuesve dhe audituesve të institucionit në shtypin e përditshëm shqiptar, duke formatuar një publicistikë të re të panjohur më parë.

Vlen të theksohet se, ndër të tjera, GAO e vlerëson Kryetarin e KLSH, sepse gjen të mishëruar në aktivitetin e tij një nga vlerat më themelore të GAO-s, integritetin e institucionit dhe të drejtuesve të vet. GAO e ka parim të saj që drejtuesi i institucionit amerikan të auditimit më të lartë publik nuk rikandidon për një mandat të dytë. Në prill 2018, z. Leskaj, nëpërmjet Kodit të Kryetarit të KLSH përfshiu vendimin e titullarit për mos-rikandidim, veprim që forcon pavarësinë e institucionit, sidomos gjatë vitit të fundit të mandatit.

KLSH gjatë periudhës 2012-2018 diti të ndërtojë marrëdhënie korrekte dhe të një bashkëpunimi konkret e shumëpërmasor me institucionet simotra, SAI-t e vendeve të zhvilluara, duke nënshkruar 18 marrëveshje partneriteti me to, në bazë të Nenit 15 të Deklaratës së Limës, kushtetutës së institucioneve supreme të auditimit. Në periudhën mars 2016-korrik 2018 realizoi me SAI-t e Polonisë (NIK) dhe të Kroacisë projektin e binjakëzimit IPA 2013 të Bashkimit Evropian, duke i rritur kapacitetet e audituesve të vet përmes 96 misioneve trajnuese të ekspertëve polakë dhe kroatë. Ishte një projekt që Kryetari i KLSH Leskaj e kërkoi me ngulm që në shkurt 2012, duke iu drejtuar me shkresë Ambasadorit të Delegacionit të BE-së në Tiranë.

KLSH ishte partner aktiv i Grupit të Punës së INTOSAI-t për rishikimin e Kodit të Etikës së Organizatës ISSAI 30, deri në miratimin e tij si standard ndërkombëtar në Kongresin INCOSAI XXII në dhjetor 2016 në Abu d’Habi të Emirateve të Bashkuara Arabe.

Gjatë periudhës tetor-nëntor 2018, Kryetari i KLSH zhvilloi disa vizita pune në Çeki, Poloni, Kroaci dhe Kosovë, por takimi në Ëashington D.C. me kreun e institucionit amerikan të auditimit suprem është vizita e tij më e rëndësishme e kësaj periudhe.

Gjatë këtij muaji dhjetor, Kryetarin e KLSH Leskaj, i cili është në përfundim të mandatit të tij, do ta takojnë në Tiranë presidentët e SAI-ve të Polonisë, Kroacisë, Malit të Zi dhe Kosovës, në shenjë respekti për bashkëpunimin dhe partneritetin e realizuar me institucionet e tyre. Kryekontrollori i GAO-s amerikane, Gene L. Dodaro, po ashtu shprehu vullnetin e tij për të vazhduar edhe në të ardhmen bashkëpunimin me SAI-n shqiptar, KLSH-në.

E ardhmja integruese dhe bashkëpunimi për zhvillim kapacitetesh në auditim e institucionit të KLSH është pa dyshim e sigurtë, bazuar në moton e INTOSAI-t “Experentia mutua Omnibus prodest(Nga eksperienca e përbashkët fitojnë të gjithë)”dhe në arritjet impresionuese të institucionit në këto shtatë vite 2012-2018, nën drejtimin e z. Bujar Leskaj.

Nga Fatos ÇOÇOLI

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/01/2019 - 07:27

Unë jam njeriu i fundit që mund t’i jap këshilla kryeministrit të vendit tim si duhet të bëjë me ministrat. Të emërojë, të heqi apo t’i mbajë monumente të pandryshueshme deri në fund të mandatit.

Postuar: 18/01/2019 - 07:19

Eurozona, tërësia e ekonomive të 19 vendeve anëtare të Bashkimit Evropian me një monedhë të përba

Postuar: 18/01/2019 - 07:17

Ndarja nga jeta e një njeriu, është një gjë që i ndodh gjithkujt sot e mot, por lindja e një njer

Postuar: 18/01/2019 - 07:16

Nuk besoj se ka kaluar kaq shumë kohë nga momenti kur u rrëzua, u këput dhe u falimentua "pe

Postuar: 17/01/2019 - 07:19

Në cilën demokraci të botës është parë që një Drejtor i Përgjithshëm policie merr nën mbrojtje, g

Postuar: 17/01/2019 - 07:15

Dje studentët bllokues të mësimit në një fakultet të Universitetit Shtetëror të Tiranës perifrazo

Postuar: 17/01/2019 - 07:12

“Doktoresha e shkencave” në Konventën e LRI-së, me shpjegimet shkencore që bëri për l