BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Opinion / Editorial

Rikthim në lirinë e malit, brenda xhunglës së qytetit!

Rikthim në lirinë e malit, brenda xhunglës së qytetit!

Sigurisht që ka liri mali, banorët e tij janë vërtetë njerëz të lirisë, të sjelljes së lirë dhe pa kufizimet e qytetit! Mund të kalosh shtegun, mund ti ngjitesh sipër, ti zbresësh poshtë, ti kalosh anash dhe padyshim ti shkosh në anën tjetër pa pasur një kufizim të vetëm! Nuk duhet të mbash krahun, nuk duhet të ruash shpejtësinë, nuk të detyron askush të respektosh tabelat, sepse as që ka nevojë për to! Dhitë kullosin si lozanjare duke u ngjitur lart, kurse delet disi më poshtë e natyra ka bërë të vetën në lirinë e malit ose mrekullinë e vërtetë të mungesës së rregullave urbane! Po ashtu dhe psikika e njerëzve është e lirë nga ndrydhjet e rregullave urbane të qytetit. Shtëpitë larg njëra tjetrës si e dikurshmja e distancës "sa han plumbi pushkës" dhe ajri i pastër i bjeshkës apo dhe ujrat e kristalta të cilat freskojnë në verë dhe të mbysin po nuk ishe i përgatitur në dimër janë mrekulli lirie!

Ku e kam fjalën!? Padyshim te një sasi e madhe njerëzish që për shumë kohë jetuan në lirinë e malit, të zonës së vërtetë të bukur rurale! Por rurale të vërtetë, të ashpër dhe pse shumë e shumë të bukur! Nuk ju duhesh kaq shumë këtyre njerëzve të dinin se ku duhet kaluar në "vija të bardha" as se ku është "trotuari për këmbësorë dhe rruga për makinën"!? Nuk kanë faj, pse askush nuk e ka marrë seriozisht për të sqaruar se bukuria e lirisë së malit "vdes" në urbanitetin xhungël që kemi ndërtuar sidomos këto 30 vitet e fundit! Diktatura nuk i lejoi në mënyrë perfide dhe në mbytje të lirisë të urbanizoheshin! Sigurisht që i çoi një vatër kulture dhe një spital të vogël, një shkollë dhe një qendër fshati, të cilën "demokracia" e prishi menjëherë sa po filloi zbatimi i lirisë së vërtetë pa rregulla dhe pa asnjë detyrim për ligj dhe kujdes urban! Normalisht që filloi "martesa" ose më mirë të them "ngjizja, dashuria e egër" mes lirisë së malit dhe urbanitetit! E gjithë kjo me ligjin sa të poshtër dhe idiot 7501, por dhe me korrupsionin me tokat, me pronën me truallin! Për 25-së vite u krijuan zonat suburbane ose më qartë "fruti i dashurisë" mes lirisë së malit dhe urbanitetit të dikurshëm! Po, por me fatkeqësinë e mungesës së ligjit dhe për më tepër në zbatim të ligjit të xhunglës?! Me ashpërsinë e fitores së më të fortëve, me padrejtësinë e dhunës së familjeve me shumë djem gati për sherr! Me përdorimin e forcës ndaj qytetarëve të butë dhe që i besonin ligjit! Me padrejtësinë dhe dhunën e mbrojtjes së partisë që kishte pikërisht tek këto zona dhune, elektoratin e vet sa injorant dhe basenet e mbijetesës së liderëve kriminelë përgjatë këtyre 25 viteve ç'urbanizim dhe depërtim nga liria e malit, në xhunglën urbane të "demokracisë"?!

Tani jo vetëm këto zona suburbane, por dhe një pjesë e qendrave të qytetit kanë "rikthimin e lirisë së malit në xhunglën urbane"?! Njerëz që si në këmbë, makina dhe biçikletë, nuk duan t’ia dinë për rregulla! Nuk zbatojnë kalimet e vizave të bardha, që nuk përfillin semafor kur ka, që nuk duan t’ja dinë për ndalim qarkullimin dhe as për trotuarët! Individë që të vijnë kundër në korsi! Njerëz që ndalen me makinë, duke penguar qarkullimin si të ishin në "lirinë e malit" ku mund të bësh çfarëdolloj veprimi, sepse nuk pengon askënd dhe nuk ka asnjë kufizim! Vajza, gra, burra dhe djem që çojnë sms nga celulari në trafik! E për me tepër, duken në gusht këto fenomene! Po pra, sepse mirë sa janë ata brenda, por vijnë dhe ata nga jashtë! Po ato jashtë që kur janë në vendet ku jetojnë nga frika rrinë si pulat, por kur vijnë në Shqipëri, ju rikthehet "liria e malit" nga i cili ose vetë ata, ose prindërit e tyre kanë (janë ulur) rënë?! Shtohen dhe kosovarët dhe pak se na ngjanë dhe pak se na shikojnë e kështu "Shqipëria kthehet në një liri malit në xhungël qyteti"?! Nuk e merr vesh qeni të zotin në trafik, mungojnë rrugët për një fluks të jashtëzakonshëm makinash dhe një shtim i popullsisë prej 40% brenda një periudhe një mujore krijon "xhunglën urbane të vërtetë si imitim në liri të malit?!

Fillojnë aksidentet, fillojnë grindjet, fillojnë vrasjet dhe pa dyshim dhe hakmarrjet, sepse "rikthehet liria e malit në xhunglën" e qytetit! Po, të asaj xhungle idiote, të pa kriter urban, por vetëm me një tmerr të madh thyerje rregullash akoma më shumë se kudo!

Kjo është Shqipëria jonë në gusht! Kështu sillet ajo! Kështu sillen një pjesë e njerëzve të cilët "shijojnë lirinë e malit" duke mos e pasur kurrë më atë! Mbushin rrugët në lirinë e tyre "primordiale" dhe të origjinës krenare malore, jo vetëm në zonat suburbane, por dhe në qendra qyteti ku dalin për tu ekspozuar apo bërë xhiro". Mbushin qendra plazhi, i qelbin ato me mbeturina dhe me "sëmundjet e urbanitetit pa rregulla" dhe pastaj shajnë njëri tjetrin për "mungesën e edukatës"?!

Nuk kanë frikë asgjë! Nuk i frikëson ligji, nuk e kanë në ndërgjegje, nuk e përdorin logjikën urbane sepse "janë rikthyer në mal, por në të vërtetë janë në xhungël"! Thonë se besojnë zotin, por ai nuk "ju lypet fare" sepse e kanë për tifozllëk dhe jo besim! Pra as atë nuk kanë frikë! Policin jo e jo, sepse ai është i frikësuar për vete akoma i pa mësuar mes lirisë së malit dhe urbanitetit normal që mungon! Qeverinë aspak, sepse e dinë se ka "punë të tjera" me se të merret dhe të angazhohet!

Ky është gushti i shqiptarëve që tashmë gëzojnë lirinë e malit në xhunglën që vetë kanë ndërtuar dhe i thonë urbanitet, por që i merr të keqen pikërisht lirisë së malit! Po për nga sinqeriteti, pikërisht në liri!

/Nga Besi BEKTESHI