Safet Hasani: UÇK ishte ushtri çlirimtare, qeveria duhet t’u japë më shumë vëmendje veteranëve të luftës, ndërhyrja e policisë së Kosovës në Veri brenda kornizës ligjore

Që nga 26 maji i këtij muaji, tensionet në veriun e Kosovës, janë rritur, pas hyrjes në objektet komunale të kryetarëve të rinj shqiptarë të Zveçanit, Leposaviqit dhe Zubin Potokut. Serbët prej disa ditësh po protestojnë për të kundërshtuar kryetarët e rinj shqiptarë, por edhe për të kërkuar tërheqjen e njësive speciale të Policisë së Kosovës nga veriu. Por për të mësuar më shumë rreth këtyre incidenteve dhe situatën në të cilën ndodhet Kosova, gazeta “SOT”, bisedoi me ish-anëtarin e Ushtrisë Çlirimtare të Kosovës, njëherësh veprimtari i njohur kosovar, Safet Hasani. Ky i fundit gjatë një interviste për gazetën “SOT”, shprehet se ndërhyrja e policisë së Kosovës në Veri, sipas tij, është brenda kornizës ligjore dhe e domosdoshme për të shtypur hordhitë serbe që kërkojnë tensione e dhunë. Madje zoti Hasani theksoi se kryeministri Albin Kurti nuk duhet të tërhiqet, pasi përballë janë kriminelët e urdhëruar nga Beogradi. Ndërkohë sa i takon akuzave të ngritura ndaj Presidentit të Kosovës, Hashim Thaçi, dhe kreut të PDK, Kadri Veseli, etj, për krime lufte, patrioti Hasani shpreh bindjen se UÇK ishte ushtri çlirimtare dhe çdo përpjekje për të cënuar këtë vlerë të Kosovës, sipas tij, duhet dënuar nga të gjithë.

 

-Zoti Hasani, me çfarë vështirësish, janë duke u ballafaquar veteranët e UÇK?

Vështirësitë, të cilat po ballafaqohen veteranët janë të shumta Paga e një veterani është 175 euro që kjo shumë që marrin veteranët as asistencë sociale nuk mund ta quajmë e lëre më muajin. Po e cek që veteranët janë përjashtuar nga ligji i pagave që me një fjalë institucionet shtetërore në radhë të parë ishte dashtë që veteranët të kishin hyrë në ligjin e pagave.

-A janë duke përkrahur institucionet e Kosovës për realizimin e kërkesave të veteranëve?

Shkurt po e jap përgjigjen sa i përket kësaj pyetje veteranët të vetmen kërkesë për institucionet e Kosovës e kanë të ishin në ligjin e pagave. Që mos ta harrojmë që këta veteranë janë që luftuan kundër barbarëve serb që vranë pleq, gra, fëmijë, e motrat tona shqiptare i përdhunuan.

-Kohët e fundit janë shtuar zërat për shpërbërjen e gjykatës speciale, si jeni duke e parë punën e kësaj gjykate?

Po do jem shqiptari ma i lumtur i kombit shqiptar po ta dëgjoja këtë lajm sa më shpejtë. Kjo gjykatë është krejt politike është gjykatë e cila gjykon pa të drejtë krejt me propagandë serbe, si mundet një gjykatë që të gjykoj viktimat si agresor e çlirimtarët që mbrojtën familjen kombin të gjykohen. Për mua kjo gjykatë është politike dhe punon sipas orekseve serbe.

-A janë në nivel të detyrës institucionet e Kosovës për të ofruar përkrahje për ish- drejtuesit dhe luftëtarët e UÇK- së të cilët janë në Hagë. A duken si akuza politike?

 Sa i përket përkrahjes së institucioneve për drejtuesit e UÇK, që padrejtësisht janë në Hagë janë lanë anash nga institucionet shtetërore. Shteti duhet në çdo aspekt këta çlirimtarë të kenë mbështetje shtetërore të gjitha, akuzat që po bahen ndaj krerëve të UÇK janë akuza politike

-Aktualisht situata në veriun e Kosovës është e tensionuar për shkak se serbët atje kundërshtojnë kryetarët e zgjedhur të komunave. Kryeministri ka urdhëruar për të zmbrapsur protestuesit, por ky veprim i Kurtit është kritikuar nga SHBA dhe BE?

Të gjithë e dimë që në këto komuna që prej pas luftës kanë operuar kriminel, të cilët si kanë njohur institucionet e Kosovës në ato komuna duhet të ketë rend dhe ligj. E sa i përket kritikave që janë ndaj kryeministrit Albin Kurti nga SHBA dhe BE janë plotësisht të pa baza institucionet duhet ta shtrijnë rendin dhe ligjin në ato pjesë dhe e kanë përkrahjen e popullit.

Intervistoi: Rigels Seliman