BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Opinion / Editorial

Të “painteresuar” apo armiq të integrimit në BE!?

Të “painteresuar” apo armiq të integrimit në BE!?

Të thuash se klasa e sotme politike është një “fanse” e integrimit në Bashkimin Europian, do të thotë “se të ka mbetur ora” te thirrjet e studentëve në vitin 1990, por që në fakt ke një panoramë krejt ndryshe përpara! Nuk ka se si një klasë, ose shumica njerëzore e një klase politike e cila ka mbi supet e saj veprime të jashtëzakonshme anti demokraci dhe sidomos mungesë të zbatimit të ligjit – të jetë sot një mike dhe e dashuruar për integrimin e Shqipërisë në BE. I vetmi që këmbëngul se do të integrohet dhe pse e di se është shumë “i paintegruar” është populli. Ai është akoma i sinqertë deri në naivitet, se vërtetë të gjithë në këtë vend kanë dëshira dhe “dashuri” foshnjarake deri në fëminore si ai.

Sot mund të bëhet një analizë e shkurtër dhe padyshim e saktë, se pjesa dërmuese e kësaj klase politike, partive në lidershipe, është kundërshtare e ashpër e integrimit në BE! Po ti shtosh dhe sistemin e kalbur, korruptuar dhe kriminal në drejtësi dhe padyshim edhe në një pjesë të administratës akoma të mbushur me prurje djathtas dhe majtas të idiotëve të punës dhe pandershmërisë zyrtare – konkluzioni del vetë i qartë. Nuk po sqaroj akoma më shumë modelin e administratës dhe pushtetit “demoniak” e provincial (vendor) shqiptar – vështirësia e integrimit është kolosale deri në një pengesë pothuaj e pakapërcyeshme.

Pse janë kundër një pjesë e konsiderueshme e politikës dhe atyre që përmenda më lart dhe janë të pa interesuar apo armiq të integrimit.

E para – lidershipi i lartë në pothuaj të gjitha partitë e pushtetit 27 vjeçar dhe atyre partive të vogla të ngritura në pushtete të pamerituara nga votat e kota, kanë llogari të mëdha politike dhe ligjore për të dhënë. Janë armiq, sepse zullumet politike dhe kriminale në drejtimin e shtetit prej kohësh - një afërsi ligjore me BE-në i fut në burg. Nuk duan kurrsesi që ky moment i madh politik dhe ligjor të ndodhë dhe nuk janë vetëm në Shqipëri këto lidershipe, por dhe në Kosovë. Vagabondë dhe horra pushteti, që abuzimin me popullin dhe ligjet, por dhe me ndërkombëtarët në mashtrim dhe gënjeshtra e kanë përdorur me shumicë, tashmë e kuptojnë qartë, se ju vjen fundi ligjor dhe për dikë pritet veprimi penal.

E dyta - nuk janë të interesuar shërbëtorët irracionalë të asaj pjese të vogël të një administrate të lartë, e cila është katapultuar padrejtësisht nga pushtetet e shumta politike dhe që mbajnë poste, përfitojnë të ardhura, futen në tendera, mbajnë dy tre punë dhe kthehen në urithë pushteti që shkatërrojnë themele demokracie çdo ditë - që sjell e nesërmja.

E treta – janë armiq të egër një numër impresionant gjyqtarësh dhe prokurorësh, që në fakt kanë bërë krimin më të madh ligjor dhe kanë ngritur pushtetin okult të korrupsionit si politik dhe ekonomik. Të tillë zyrtarë të shtetit një ballafaqim me modelin europian dhe demokratik, por dhe qoftë dhe pak më ligjor se sa sot i çon në burg.

E katërta – nuk janë të interesuar, një pjesë e madhe e komunitetit të sajuar politikisht dhe pastaj katapultuar lart në universitete publike. Nuk ju intereson, sepse fitimet janë sigurisht në këtë model idiot dhe të indoktrinuar me blerje provimi në Shqipëri.

E pesta – janë armiq shumica e prodhimit politik bashkiak në Shqipëri me përjashtime të vogla. Janë kontroll i jashtëzakonshëm korruptiv i politikave të ndyra zhvillimore, të cilat kanë si qëllim të vetëm pasurimin e “juntës partiako politike rreth kryebashkiakëve partizanë” dhe të korruptuar!

E gjashta- janë armiq një pjesë e madhe e biznesit politik dhe me afera pushteti në Shqipëri. Janë armiq për vdekje për zhvillimin europian të vendit, sepse kontrolli ligjor dhe jo partiak korruptiv do ti sfidonte ligjërisht që gjashtë muajt e parë të zbatimit të ligjit realisht në Shqipëri!

Të tilla monstra ekonomiko-financiare të stërpasuruara, por dhe në borxhe si te bankat dhe te shoqëria e shteti shqiptar, por dhe ata që kanë pasuri përrallore brenda dhe jashtë, as që bëhet fjalë se duan ligjin dhe zbatimin e tij në Shqipëri. Nuk e duan fareeee! Janë të tjerë ata që e duan e që ndryshojnë prej tyre dhe duan integrim të shpejtë në BE. Janë - por vuajnë në saj të konkurencës së padrejtë nga monstrat politiko-ekonomike! Një pjesë e madhe e këtyre monstrave anti BE, furnizojnë politikanë, shtyp dhe televizion e portale, për të treguar se “shqiptarët janë armiq me europianët” ose se BE-ja është diçka jo e mirë politikisht dhe e korruptuar, njësoj si pushtete te ne dhe ato vetë.

Po ti shikosh këto arsye dhe disa më tepër situata duket tepër e rëndë. Biles dhe pa rrugëdalje dhe pa shpresë. Ne vetë nuk kemi forcë të integrohemi – por ka diçka: akoma shoqëria jonë është properëndimore për fat të mirë. Një pjesë brenda dhe me ndihmë nga jashtë, po tentojnë ta çojnë drejt lindjes, por shqiptari akoma është pro perëndimor. E këtë e dinë si në Bruksel dhe Strasburg, por dhe në Berlin, Paris, Vjenë e Romë si dhe në shumë vende të tjera të rëndësishme. Kjo sot ka më shumë rëndësi dhe padyshim ka dhe modelin që do të shtyjë përpara këtë vend të bukur por të rënë në një nga gropat më të thella dhe të zeza politike të këtyre pothuaj 100 viteve shtet real të shqiptarëve që nga viti 1920 mbas Kongresit të Lushnjes. Do të presim dhe shumë shpejt do të shikojmë, se ato jashtë paskan pasur dhe grafikun e duhur për integrim. Shpresoj ta kenë për mirë./Nga Besi BEKTESHI