BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Opinion / Editorial

Të shtrënguarit pas karriges

Të shtrënguarit pas karriges

 -Trokita, me gjithë djalin e tezes, ku njëherësh dëgjuam zërin ftues të nëpunësit brenda. Sapo hapëm derën e na pa, u çua në këmbë. Na ftoi të ulemi, ndërkohë që vetë zuri vend në karrigen e tavolinës së tij të punës. Pasi na përshëndeti, kërkoi të dinte se ç’shërbim mund të merrnin prej tij, zyrës së cilës i rrinte gjemb, siç thuhet. Na dëgjoi dhe orientoi drejt zgjidhjes së problemit. Kështu po bisedohej në një mjedis shoqëror, nga bashkëqytetari ynë, i cili kishte pak që ishte kthyer nga shteti fqinj, Italia.

-U huu...! Këtu s’të shohin me sy! U shko në zyrë..., as nuk ta kthejnë kokën, pa le më të të zgjidhin punë!

Biseda të tilla janë të përditshme dhe i ndesh kudo në mjediset tona. Ashtu, gjithkujt “ia heqin trurin”. -Si s’po bëhemi njerëz ne, more! Nuk është e re kjo thënie. Shumica e kanë në majë të gjuhës, por nuk vonojnë ta thonë edhe nëpunësit e shtetit tonë, gjithandej. E kur e thonë edhe titullarë (madje me të madhe), të mbështjellurit me lloj-lloj kompetencash e privilegjesh, hapu tokë...! Gjithsesi, për hallexhinjtë e të pakrahët, është gjemb i ngulur që të ngacmon në shpirt, se çdo rrugë e ka një ferrë.

  ***

-Nëpunësi bënte sikur shfletonte shkresat në tavolinën e punës dhe s’donte të dinte nga kërkesa e as nga hija ime, që mund t’i jepte mërzi. -Skam kohë, ishte përgjigja, pas këmbënguljes, hajde ditë tjetër! Ajo që ta “plas shpirtin”, nuk është vetëm mendimi se në ç’ditë mund ta gjesh në “mendje të mirë” këtë njeri, por fakti se gjendet apo nuk gjendet në zyrë?! Thua, do kujtojë herët që i erdha te dera? Do më përgjigjet njësoj, si dhe herët e tjera!

-Më ra zilja e telefonit dhe sapo e hapa, zëri matanë ishte i prerë: -Motrës tuaj, i mungon epikriza, nesër është komisioni, prilli ka ikur, kaq. U shkreh telefoni, duke më lënë të hamendësuar nga zëri, ishte-s’ishte ai...?!

Dokumentat e sime motre kishin lëvizur nga qendra drejt komisionit, për t’u riaftësuar, por për të komunikuar me familjarët, ishin menduar vetëm pak orë! – Është detyrë e juaja..., kur s’u bie ndërmend juve, qenka t’u na ra nee!? Këto do të ishin fjalët e nëpunësit zyrtar. Hall, o hall. Ku mjeku i familjes..., ku mjeku specialist, që vjen vetëm një ditë në javë në qytetin tonë. Hajde bëji bashkë. “Muaji iku”...!

Po, a ka ndonjë zyrtar që e lë rrogën e vet për një muaj? –Pyetje është kjo!? Zyrën mund ta lërë bosh për një, për dy, apo dhe më shumë, por jo rrogën. Le të flasë kryeministri në televizor, zyrtarët tanë janë të lidhur me hallkat e zinxhirit të partive dhe nuk ka gjë që i shkëput, me përgjegjësinë dhe detyrimin për shërbimin ndaj popullit. A, po, kjo mundet të ketë ekzistuar deri sa të fillojnë punë, por më pas, lidhja është si mishi me kockën, me partinë apo në klane interesi! Kjo “garant lidhje”, i ka hapur gropat e linjës qeverisëse, më të thella se të shumë prej rrugëve automobilistike, apo shumë familjeve në vështirësi ekonomike, ashtu si dhe gropat e dhimbjes në lofkat e zemrave të sa e sa të rinjve, (prindërve) në lutje të kthimit të shpresës për të jetuar.

Të jetë fjala, për disa raste zyrtarësh, ndoshta...dhe mund të mos ia vlejë, por kur shikon se këtë e kanë bërë model shumë nga institucionet, si t’ia bësh hallit...?! Me nisjen e qeverimit, Kryeministri i Shqipërisë, Edi Rama ashpërsoi jo vetëm gjuhën, për ndëshkim ndaj zyrtarëve që s’do bënin punën, por tregoi rrugën e largimit nga detyra, apo edhe ndëshkime ligjore të mëpasme. Natyrshëm, që ajo u prit mirë nga njerëzit e thjeshtë, madje nisi të thuhet se, e vetme, me Ramën në krye, Rilindja do bëjë punë. Mirëpo, kryeministrin tonë po e dëgjojmë edhe këto ditë të flasë me të njejtën gjuhë. Si do bëhet? E ka kuptuar Rama se të shumtë ia kanë gërryer “dheun për nën këmbë”, apo mund të besojë se kështu ia kanë “ngrënë zemrën dhe popullit”! Me përvojën për të joshur eprorët, institucionet me hallkat e veta, sikur s’janë!

Është vërtetë e dhimbshme kjo. Kush di të lexojë e kuptojë sadopak, bën përpjekje të njihet me ligjet e shtetit tonë, shton besimin për ndryshimin real të qeverisjes dhe të gjendjes. Kemi vërtetë ligje europiane, siç i ka bota, por...! “Jemi në Shqipëri”! Ç’do të thotë kjo? Pas ligjit kanë qëndruar maliqët e çalë që ia “danë nanën” vendit. Parë në qëndrimin e kësi lloj zyrtarësh, i jepet arsye “kërcënimit e britmës” së drejtuesve kryesorë. Sikur të ndjejnë sadopak dhimbjen dhe hallet e njerëzve të thjeshtë, ç’heqin prej lloj sorollopësh të administratave, qeveritarët tanë sikur dhe “të pashpirt”, do ta mëshirojnë popullin e lodhur, duke i kërkuar dhe falje për padrejtësitë që kanë rënë mbi ‘të. Shqiptarët janë popull i ndërgjegjshëm. Patriotizmi rron brenda shpirtit të njerëzve. Vuajtjet e përbashkëta janë pasojë e verbërisë së besimit, por nuk mund të pranohet se jemi popull i paditur. Përkundrazi, shqiptari bën çdo punë, por nuk pranon mbi kurriz “ç’të vijë për dore”! Arsye më të fortë se ligji nuk mundet me qitë në ballë. Zyrtarët e dobët, të papërgjegjshëm apo spekulantët e përfitimit, duhet të ndëshkohen vetëm me ligj. Etika dhe qëndrimi i tyre ndaj politikës apo eprorëve- “miq”, nuk mundet të merret si matës për asnjë lloj pozicioni të punës në administratë. Rendimenti i punës intelektuale është prijëse, hap rrugë zhvillimit, përmirësimit të jetës së njerëzve, ëndrrës për një Shqipërie Europiane pa ngjyra.

Këshilltar i Bashkisë Mat dhe Qarkut Dibër

Nga Qemal CENAJ