Tranzicioni instaloi sistemin e korrupsionit dhe modelin e politikanit, shtetarit e gjyqtarit halabak, hajdut e injorant

Halli dhe problem më i madh i shqiptarëve sot është çmontimi i sistemit të  regjimit të korrupsionit i ndërtuar dhe që funksionon prej 30 vitesh tranzicion. Që është e vërtetë kjo, se: tranzicioni instaloi korrupsionin dhe qe prodhoi  modelin e politikanit, shtetarit e gjyqtarit halabak, servil, të korruptuar, hajdut e injorant këtë e tregon fakti se në Shqipëri në këto 30 vite tranzicion: politika, drejtësia dhe shtetarët instaluan në Shqipëri sistemin kriminal të korrupsionit, hajdutërisë dhe të padrejtësisë institucionale sa që ky fakt u bë shqetësim edhe për ndërkombëtarët, dhe për SHBA-të, aleatin jetik të shqiptarëve,   të cilët për ta çmontuar këtë sistem sundimi të korrupsionit e detyruan politikën shqiptare që të miratojnë VETTING-un në drejtësi ,i cili po pastron jo vetëm drejtësinë por tërë sistemin nga korrupsioni dhe nga bartësit e tyre. Pas vetërrënies së regjimit komunist në Shqipëri, Shqipëria hyri në rrugën e tranzicionit paskomunist e cila fatkeqësisht po zgjat edhe tani pas 30 vitesh. Tejzgjatja e këtij tranzicioni vazhdon akoma sepse  demokracinë, shtetin, ligjin, pasuritë dhe ekonominë i kapën dhe i pronësuan ish-komunistët e zellshëm të komunizmit , ish-sigurimsat e shtetit me pinjollët e tyre; si dhe për faktin tjetër se në emër të lirisë e të demokracisë u zgjidhën  dhe u turrën në politikë gjithfarë individësh injorantë, egoistë, halabakë, hajdutë e mistrecë të cilët arritën në majat e politikës, pushtetit,shtetit, drejtësisë, të ekonomisë, financave etj. Dhe po këta u bënë edhe deputetë e politikanë; edhe shtetarë e administratorë; edhe pasanikë e kapitalistë, si dhe  biznesmenë , moralistë, mediatikë e gjithfarë administratorësh, “filozofësh”, “profesorësh” dhe  “akademikësh”. Dhe thënë shkurt e saktë se ky tranzicion formoi edhe modelin e politikanit, shtetarit,  gjyqtarit, biznesmenit, medias dhe  intelektualit  servil, halabak, hajdut, injorant e mistrec, pasi në themelet e këtij  modeli paskomunist mbi të cilën u ngrit ky lloj modeli qëndron njeriu i ri me botëkuptimin  ateisto-komunist i diktaturësë komuniste. Ky lloj modeli hajni, halabaku e hajduti  të politikanit, shtetarit, medias, profesorit, intelektualit, “patriotit” e gjyqtarit ka kontribuar në funksionimin së prapthi të shtetit, ligjit, shoqërisë, drejtësisë e demokracisë si edhe në prishjen e moralit dhe të vlerave e virtyteve njerëzore e kombëtare. Zakonisht  e në tërësi pothuajse  të njëjtët individë janë edhe politikanë, edhe hajdutë, edhe halabakë, edhe mashtrues  dhe madje edhe tradhtarë  ose mbrojtës e bashkëortakë me  njëri-tjetrin. Prandaj në Shqipëri e Kosovë është shumë i vështirë ndërtimi dhe funksionimi i shtetit ligjor. Politikani,  hajduti, shtetari e gënjeshtari, krimineli  e tradhtari, edhe këta flasin në emër të drejtësisë, mundohen të justifikohen në emër të drejtësisë, japin  “leksione” të  drejtësisë dhe  mundohen të justifikohen e të mbrohen në emër të drejtësisë. Politikanin, hajdutin, mashtruesin, gënjeshtarin dhe tradhtarin i bën bashkë paraja dhe prandaj ata mbrojnë njëri-tjetrin. Keta janë hipokritë të mëdhenj, pasi ata në aleancë dhe në bashkëpunim të ngushtë mes tyre, ata bëjnë padrejtësitë më të mëdha , por që kërkojnë e mbrohen duke  mashtruar e  gënjyer opinionin se ata kanë të drejtë. Politikani, hajduti, gënjeshtari, krimineli dhe tradhtari  janë tejet djallëzorë dhe duhet guxim dhe   vigjilencë intelektuale për të zbuluar e demaskuar djallëzitë e poshtërsitë e tyre. Politikani,shtetari,  gënjeshtari, hajduti, krimineli e tradhtari përdorin me mjaft finesë sidomos në demokraci edhe talentin e korrupsionit, pra korruptimin  dhe manipulimin  e opinionit, mediave dhe të institucioneve të shtetit.