Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Partizani më i shpejti në merkato, vijnë Tafili e Kalari

Partizani më i shpejti në merkato, vijnë Tafili e Kalari

Postuar: 20/06/2015 - 08:54

Partizani po e fiton derbin e vet me Tiranën në këtë merkato, pasi jo vetëm që ka bërë lëvizje më të mira dhe ka afruar lojtarë cilësorë, por në të njëjtën kohë po ia merr Tiranës edhe ata pak elementë të kualifikuar, duke e dobësuar në maksimum.
 
Lëvizje të tilla të Partizanit kanë ngjallur besim tek skuadra e kuqe, e cila mund të shihet që tani si një nga pretendentet kryesore për titull sezonin e ardhshëm, së bashku me Skënderbeun. Pavarësisht disa largimeve në fillim, Partizani e stabilizoi situatën dhe ia doli të shtrojë rrugën e duhur për sukses, duke mundësuar formatimin e një grupi cilësor. Dje u zyrtarizuan dy blerjet e reja, që janë Tafili dhe Kalari. I pari vjen nga Shkodra dhe shihet si lojtar me të ardhme, kurse për Kalarin ishte një zgjedhje emocionale, nisur nga rivaliteti që kanë të kuqtë me bardheblutë.
 
Lëvizjet
 
Partizani zyrtarizoi kështu dy blerjet më të reja, mbrojtësin Rejnaldo Kalari dhe mesfushorin Alsid Tafili. Për trajnerin Sulejman Starova afrimi i këtyre futbollistëve është një tjetër tregues i objektivave të qarta që skuadra e kuqe ka në sezonin e ri. Plotësimi i të gjitha reparteve dhe dublimi i çdo pozicioni është synimi kryesor i drejtuesve të Partizanit, deri në ditën e fundit të merkatos. Rejnaldo Kalari u shfaq i emocionuar në prezantimin me skuadrën e kuqe, ndikuar kjo nga e kaluara me rivalët bardheblu. Por mbrojtësi i majtë ka premtuar se do të japë gjithçka për të respektuar besimin e drejtuesve të partizani. Kalari do të duhet të zëvendësojë një futbollist si Cuculi, që pavarësisht se luajti vetëm një sezon arriti të lërë gjurmë tek kjo skuadër, por mbrojtësi i majtë evitoi çdo mundësi krahasimi. Një befasi për opinionin sportiv ishte blerja e mesfushorit Alsid Tafili, po jo për shkodranin që duket se nuk është menduar dy herë për tu transferuar tek Partizani. Konkurrenca e madhe në repartin e mesfushës duket se nuk e shqetëson aspak mesfushorin më të ri të të kuqve. Dy futbollistët i janë bashkuar skuadrës së kuqe në përgatitjet e saj për konkurrimin në Europa Ligë teksa ditët e ardhshme do të hidhet edhe shorti.
 
Partizani-Tirana, sfida e parë në javën e gjashtë
 
Derbi Partizani-Tirana do të luhet në javën e gjashtë të Superiores së ardhshme. Ky është kalendari që ka caktuar shorti i djeshëm i Superiores i hedhur në ambientet e federatës. Natyrisht që nuk ndodhi surpriza, pra që ky derbi të binte në javën e parë, gjë që do ta kishte bërë vërtet interesant, por kjo përballje e parë nga katër që ka kampionati gjithsej, do të luhet në fillim të tetorit. Deri në atë moment skuadrat do të bëjnë të tjera lëvizje dhe do të shtojnë forcat e tyre për të dhuruar emocione të mëdha. Edicionin që lamë pas, Partizani fitoi dy ndeshje dhe barazoi në dy të tjera në duelet derbi me Tiranën, duke qenë superior dhe duke merituar suksesin. Adriatik BALLA
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/05/2019 - 07:14

Tito shpiku në fakt, të famshmen "Bashkim Vëllazërimin" mes popujve të ish Jugosllavisë!

Postuar: 21/05/2019 - 07:13

Ishte vendimi i Kongresit të Përmetit, ai që i dha shfaqjes tonë teatrale partizane titullin &ldq

Postuar: 21/05/2019 - 07:11

Politikanët tanë, veçanërisht ata në opozitë, pa përjashtuar edhe ndonjë zë të mekur minor, si të

Postuar: 19/05/2019 - 07:54

Shqipëria dhe shqiptarët po përjetojnë atë që pritej.

Postuar: 19/05/2019 - 07:52

Veprimi i 18 shkurtit i opozitës së votuar për të dalë përfundimisht nga parlamenti është dënuar

Postuar: 19/05/2019 - 07:50

Në intervistën në VOA, kryetarja e LSI-së, Monika Kryemadhi, u përpoq të dukej si një tjetër Moni

Postuar: 18/05/2019 - 07:38

Prof.