BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

politike-intervista

Fatos Klosi: Rrethi për politikanët po ngushtohet, shembulli i Gruevskit do të vijë dhe në Shqipëri, Berisha e di që nuk e merr dot pushtetin si më 1998

Fatos Klosi: Rrethi për politikanët po ngushtohet, shembulli i

Ish-kreu i SHISH, Fatos Klosi komentoi dje zhvillimet e fundit politike në vend. Gjatë një interviste për gazetën “SOT”, duke marrë shkas nga rasti i Nikolla Gruevskit në Maqedoni, Klosi paralajmëroi se rrethi për politikanët e korruptuar po ngushtohet dhe Shqipëria duhet të marrë shembull nga fqinjët. Ai shtoi se për të goditur politikanët e korruptuar duhet të ndihmojnë edhe ndërkombëtarët. Ish-kreu i SHISH e ndali theksin edhe tek thirrjet e Sali Berishës për të rrëzuar pushtetin me dhunë. Sipas tij, një gjë e tillë nuk mund të ndodhë sepse epoka e Berishës ka mbaruar. Sa i takon bashkëpunimit të PD-LSI në zgjedhjet vendore, Fatos Klosi e cilësoi si jo të suksesshëm.

-Vendi duket se është futur sërish në krizë politike sepse opozita ka nisur bojkotin e Parlamentit dhe ka braktisur reformën zgjedhore. Si i shihni lëvizjet e opozitës?

Nuk mendoj se qëndrimi i opozitës është i duhuri. Mbase ata kështu e llogarisin, por braktisja e Parlamentit nuk është hera e parë që ndodh. Të dyja palët e kanë përdorur si mjet të luftës politike, kështu që nuk më çudit. Ndërkohë që braktisja e reformës më duket pak e rëndë sepse reforma është ndoshta aktiviteti më i rëndësishëm i strukturave shtetërore të të gjitha niveleve për ta çuar atë deri në fund. Një sabotim i kësaj reforme do të ishte kundër rrymës për ta bërë këtë vend më afër Evropës kështu që braktisjen nuk e quaj të duhurën. Ndërsa për Parlamentin thash se të dyja palët e kanë përdorur kur u është dashur.

-Bojkoti i Parlamentit a mund të quhet një skenar për të minuar procesin e integrimit dhe për të penguar zbatimin e reformës në drejtësi?

Thirrje kanë bërë shumë edhe ndërkombëtarët për të bashkëpunuar, por edhe ne duhet të jemi të ndërgjegjshëm që ata atë punë kanë. Është detyrë e tyre të bëjnë thirrje për bashkim, për mirëkuptim, për çuarjen më përpara të reformës, etj. Ata këtë punë bëjnë. Kryejnë detyrën e tyre. Ndërkohë që edhe ne duhet të bëjmë detyrën. Detyra mesa duket është reforma në drejtësi. Njerëzit po e presin me shumë dëshirë dhe me shumë kuriozitet se deri ku do të shkojë, çfarë do të bëjë, a do të arrijnë të gjejnë drejtësi njerëzit në institucionet e drejtësisë, apo do të vijojë e njëjta situatë? Reforma në drejtësi është sigurisht reforma më e rëndësishme që është bërë deri në këto momente në Shqipëri dhe është shumë e rëndësishme që të dyja palët ta çojnë deri në fund nëse duan të japin mesazhin që po merren me politikë që ta drejtojnë këtë vend, merren me politikë që ta çojnë në drejtimin e duhur këtë vend. Pastaj nëse merren me politikë për interesat e tyre, problemet e tyre që kur nuk u ecin duke vënë përpara bojkotin e Parlamentit, bojkotin e reformës, etj., ajo pastaj nuk është më politikë. Mungesa e opozitës ka lënë pezull edhe votimin e ligjit për magjistratët, por edhe kjo pjesë e gjithë këtij procesi është. Natyrisht procesi ka shumë etapa dhe hallka, por në fund të fundit një është: të kemi një sistem drejtësie që bën dhe jep drejtësi. Të kemi një sistem që njerëzit të trokasin pa problem për të zgjidhur hallin e tyre, jo të jetë sistemi i atyre më të fortëve, më të pasurve e kështu me radhë. Kështu që edhe ajo Shkolla e Magjistraturës është pjesë e kësaj. Në çdo hallkë që ta pengosh reformën në drejtësi është e gabuar, shumë e gabuar në këtë moment kur njerëzit vërtetë po presin.

 

-Brenda Partisë Demokratike duket sikur kemi dy linja: nga njëra anë është Lulzim Basha i cili kërkon rrëzimin e pushtetit në një mënyrë demokratike, ndërsa nga ana tjetër qëndron Sali Berisha i cili vazhdimisht bën thirrje për grusht shtetit. A mund të rrëzohet një pushtet me mosbindje civile në vitin 2018?

Unë Berishës vetëm një gjë do t’i kujtoja: ai në 1998, atë ditën e varrimit të të ndjerit të Azem Hajdarit, me këtë praktikë e mori pushtetin. E rrëzoi pushtetin, kryeministri iku nga vendi, institucionet të gjitha ranë dhe prapë e la ashtu siç e mori. Pse? Sepse nuk është kjo zgjidhja. Kurrkush nuk të lejon. Jo vetëm këtu brenda, por edhe andej jashtë. Në një vend evropian apo që po bëhet gati të bëhet pjesë e Bashkimit Evropian, i cili është anëtarësuar në NATO, nuk mund të marrësh pushtetin me dhunë. Është absurde ta mendosh. Që të nesërmen, unë kisha shumë kuriozitet, ata e lanë vetë dhe u treguan të mençur. Ata e morën pushtetin dhe demonstruan forcën sepse Berisha atë kërkonte të tregonte që unë jam i aftë të rrëzoj pushtetin sa herë të dua dhe pastaj e lanë sepse iu digjte duart sepse ishte një patate e nxehtë. Nuk kishin ç’ta bënin pushtetin, që të nesërmen nuk kishin Parlament. Kur rrëzon sot pushtetin, duhet të pranosh që më pas të bësh një diktaturë. Këtë e bëjnë ushtarakët. Të marrësh pushtetin me dhunë dhe ta mbash me dhunë deri në momentin që ti mendon se mund ta mbash. Ndërkohë që një parti politike nuk mund ta mbajë, e mban ushtria. Kështu që Berisha bën thirrje për ta rrëzuar, por ai e ka provuar dhe e ka parë që nuk bëhet. Tani, për mua ai thjesht kërkon të jetë faktor. Ai është plakur dhe tani i ka ardhur koha që të tërhiqet, të çlodhet, të merret me nipër e mbesa. Por ai e ka shumë të vështirë që të mos jetë faktor e të tërhiqet. Kështu që vazhdon të bëjë deklarata ta forta sepse këto bëjnë efekt. Nëse do të bënte deklarata të ngjashme me ato të Bashës, atëherë nuk do ta dëgjonte njeri dhe ne nuk do të ishim duke diskutuar për këtë pjesë. Nuk e quaj më serioz Berishën. Berisha nuk përbën më faktor, edhe pse do të jetë faktor. Mendoj se epoka e tij është mbyllur dhe ka kaluar. Tani është koha e ideve të tjera, e mirëkuptimit dhe bashkëpunimit në një kohë kur ne po përgatitemi që nesër të hyjmë në Bashkimin Evropian. Prandaj edhe ne duhet të demonstrojmë që kemi ndryshuar pak, që kemi përfituar nga demokracia dhe demokracia na ka bërë të jemi më të kujdesshëm dhe të ftilluar, që nuk jemi më aq arrogantë dhe harbutë.

-Opozita duket sikur të gjithë shpresën e saj e ka varur tek skandalet. A keni një koment për këto denoncime?

Opozita i ka bërë kauzë këto sepse mesa duket nuk është e zonja që të gjejë diçka më serioze. Ata po merren jo djali i këtij, jo djali i atij. Nuk them se nuk është problem, ato probleme duhen zgjidhur dhe gjëja nuk duhet të funksionojë më me të fortët. Megjithatë këto janë probleme që duhen zgjidhur. Kanë qenë këto probleme edhe gjatë kohës kur qeverinë e drejtonte PD, janë akoma, mbase edhe janë fuqizuar pak. Por nuk janë këto problemet e mëdha. Këto probleme shteti i zgjidh po të dojë që nesër. Policia nuk toleron, policët nuk influencohen nga politika dhe nga deputetët kur nuk kanë të drejtë dhe problemi është i zgjidhur. Por Shqipëria ka probleme të tjera pafund, probleme shumë më serioze, probleme që i interesojnë popullit. Përmendim këtu edhe një herë drejtësinë, njerëzit duan drejtësi, problemi i papunësisë, problemi i ekonomisë që mund të thuash se nuk janë të kënaqshme. Këto janë probleme serioze dhe të vështira. Ajo që thamë pak më parë nuk është e vështirë. Ajo do vetëm vullnetin politik. Deputetët nuk ekzistojnë, deputetët ekzistojnë vetëm brenda Parlamentit. Shteti është qytetari i zakonshëm. Opozita që është kapur pas këtij stili të të bërit opozitë, pas kësaj kauze, duhet të demostrojë që Partia Socialiste është e mbështetur në kriminelë dhe deputetët e saj janë kriminelë. Po mbaron legjislatura. Vitin tjetër kemi zgjedhjet lokale dhe aty është vendi për të bërë fushatë. Në fushatë këto gjëra diskutohen dhe i mbushet mendja popullit që nuk duhet t’i besojmë më kësaj partie sepse kjo parti ka shumë kriminelë në radhët e saj. Por jo tani merret shtypi, media, etj, jo tha kështu ajo vajza, jo reagoi kështu. PD ka qenë 8 vite në pushtet dhe unë besoj që ato 8 vite kanë qenë këto probleme dhe do të ishte mirë që të kishte bërë gjëra me kohën. Nuk them që të mos i bëjë. Do të ishte absurde të thosha unë që të mos ketë nisma të tilla, siç është edhe prezantimi i platformës antimafia. Le të ketë, por duket që nuk janë nisma për të zgjidhur problemin, por janë pjesë e luftës politike. Ajo prezanton diçka në mënyrë që të bëjë impakt. Qeveria ka punët e saj dhe më pas do të fillojnë debatet e përhershme që ne e prezantuam, por qeveria nuk e pranoi sepse janë të lidhur me krimin. E parashikoj shumë të qartë të gjithë panoramën e asaj që do të ndodhë. Këto janë shashka. Unë nuk është se e quaj absurde sepse problemi ekziston, por thash edhe një herë që ka gjëra shumë herë më të rëndësishme. Të merremi me problemet antimafia tani. A ka ndonjë gjë në ligj që përmirësohet kjo. Kjo pastaj është absolutisht në vullnet të politikës. Nëse ajo do ta ketë dëshirën që ta bëjë zap krimin në Shqipëri, bëhet shumë kollaj. Aq më tepër që jemi një vend shumë i vogël dhe të gjithë e njohin njëri-tjetrin, të gjithë e dinë se kush janë kriminelët e vërtetë. Nuk është e vështirë, problemi është që politika kërkon t’i shfrytëzojë kriminelët, t’i përdorë.

-Duke qenë se zgjedhjet vendore po afrojnë, a mendoni se bashkëpunimi i PD me LSI do të jetë i suksesshëm?

Jo, unë mendoj jo. Natyrisht qeveria në zgjedhje bën 6 vjet në pushtet dhe këto 6 vite janë edhe sukses, por edhe dështim. Dhe në përgjithësi përdoret termi që qeveria konsumohet. Kështu që nga kjo pikëpamje është normale që të ketë një farë kontestimi ndaj qeverisë, por koalicioni që propozohet për mua, edhe pse mund të ketë llafe të bukura lart dhe ata mund ta mbështesin njëri-tjetrin, megjithëse shpesh e shpesh shohim që edhe ata kanë kontradikta. Ndërkohë që unë jam i sigurt, sepse kam qenë pjesë e LSI, dhe në 4 vjet kur kanë qenë bashkë në pushtet, ka patur një luftë të fortë në bazë për vendet e punës dhe për tepsinë, siç e quan Rama. Poshtë në bazë, të dyja këto parti nuk kanë marrëdhënie të mira. Edhe LSI me PS pak a shumë e njëjta gjë është. LSI është një parti që qëndron mes dy të mëdhenjve dhe ka ekzistuar vetëm ngaqë ka bërë koalicione me dy të mëdhenjtë. Dhe anëtarët e të mëdhenjve e kanë parë LSI si një parti që iu rrëmben pjesën e tepsisë. Kështu që nga kjo pikëpamje, LSI sot gjërat nuk i ka aq kollaj prandaj edhe them që nuk mund të them se koalicioni është apo do të jetë i suksesshëm. Ata do të marrin masa dhe do të përpiqen t’i shpjegojnë bazës së tyre që shiko se bashkëpunimi është i rëndësishëm sepse Edi Rama është bërë i pathyeshëm, etj. Ata mund të gjejnë kleçka që duan, por për mua nuk do të jetë e suksesshme sepse të themi atë që është, nuk është se anëtarësia në partitë shqiptare lidhjet me bindjet politike. Po ta shikosh, të gjitha partitë nuk kanë ndonjë dallim nga njëra-tjetra që të kenë parime të ndryshme në lidhje me zhvillimin e vendit. Ne nuk e dimë cila është vërtetë partia e majtë dhe e djathta, gjithmonë duke përdorur kriteret evropiane. Sepse këtu e dimë ne cila e ka mohuar luftën janë të djathtët, kush e ka quajtur luftën, janë të majtët dhe me luftën është bërë kjo ndarje. Por me thënë të drejtën nuk është shumë e qartë dhe nga kjo pikëpamje unë them që është e vështirë që të dallohen partitë për idetë dhe vizionet e tyre sesi duhet të jetë zhvillimi, çfarë duhet përkrahur, a duhet përkrahur i varfri, etj. Partitë vijojnë këtu me atë idenë që anëtarësia të përfitojë nga postet e punës që ka shteti. Kjo ka qenë filozofia kryesore: të vijmë në pushtet që të kapim ndonjë gjë. Është e vështirë dhe ka një konkurrencë në kapjen e gjërave, kështu që ky lloj bashkëpunimi poshtë i PD dhe LSI është i vështirë. Prandaj edhe nuk më duket se është shumë bindës.

-Opozita ka propozuar veting në politikë. A është kjo një strategji për të anashkaluar SPAK dhe BKH?

Vetingu në politikë bëhet sa herë që bëhen zgjedhjet. Vetingun në politikë e bën populli. Nuk ka ndonjë gjë të keqe që shteti të vendosë disa rregulla që të votojë për secilin kandidat një pasqyrë të shkurtër për ekonominë, familjarët, të japë sa më shumë të dhëna për të. Por gjykatësi më i mirë është populli. Të bëhesh deputet duhen 10 mijë vota. Kështu që ky është vetingu, dhe vetingu bëhet një herë në katër vjet për kandidatët, për deputetët, për kryetarët e bashkive, etj. Një farë vetingu ne e kemi bërë. Tjetër gjë pastaj që ka patur edhe raste ku ka patur rrëshqitje. Me ligjet e reja që u bënë pati njerëz që u detyruan që të tërhiqen nga politika. Mbase duhet menduar ndonjë gjë. Unë nuk e quaj të gabuar vetingun në politikë sepse është një proces që vlerëson pastërtinë morale, atë ekonomike, mbase deri diku edhe profesionalen. Është një provim i madh që pengon ose lejon të kalojnë për më tutje ata që pretendojnë të kenë pozita të rëndësishme në shtet. Dikush këtë proces duhet ta kryejë dhe për mendimin tim drejtësia është më afër. Nuk mund ta bëjë politika vetë, të emërohen nga politika disa njerëz dhe më pas të kontrollojë prapë politikën. Prandaj është shumë i rëndësishëm funksionimi i reformës në drejtësi sepse drejtësia është ajo pjesë e shtetit që zgjidh të gjitha konfliktet e çdo lloji që lindin në shtet. Gjykatat kanë një detyrë shumë të rëndësishme duke zgjidhur të gjitha konfliktet, kështu që duke pasur misione kaq të rëndësishme, fare mirë mund ta bënte edhe vetingun në politikë. Vetingu do të ishte një bashkësi kriteresh e rregullash dhe dikush duhet të thoshte këtë e plotëson, këtë të tjetrën jo, etj. Ata e trajtojnë ligjin, ata e shikojnë rast pas rasti nëse është mirë një aktivitet, është në përputhje me ligjin, etj. Natyrshëm u takon atyre që të merren edhe me vetingun në politikë. Me shpresën që ne tashmë do të kemi një sistem gjyqësor jashtë ndikimit politik dhe që ka perëndi vetëm ligjin dhe Kushtetutën. Kështu shpresoj të paktën. Arritja e kësaj do të ishte një sukses i procesit të vetingut dhe reformës në drejtësi. Po e bëri këtë, le të merret edhe me vetingun në politikë. Por në politikë bëhet realisht sepse në zgjedhje, pala kundërshtare nëse di diçka për kandidatët e anës tjetër, i thotë. Thonë shiko çfarë kanë zgjedhur ata, njerëz të korruptuar, njerëz të lidhur me krimin. Dhe mbetet populli gjykatës. Në të vërtetë nuk do të ishte keq që të kishte një gjykatës më të kualifikuar sesa populli. Populli i mirë është, por hera-herës heziton dhe thotë vota ime një është, nuk do të bëjë diferencën, etj. Kurse gjykatësit mendohen pak më shumë dhe janë profesionistë. Në lidhje me SPAK dhe BKH, mund të them se ka patur akuza nga qeveria se po bëhet kjo lëvizje për të penguar punën e këtyre organeve, por unë nuk futem dot në detaje dhe të them sesi qëndron e vërteta. Dinë më shumë, janë menduar më shumë, kanë diskutuar dhe kanë hedhur një ide, por unë nuk di të them diçka të prerë.

-Presidenti Meta pak ditë më parë la të nënkuptohet se nuk do të ketë pakt detar me Greqinë pa patur më parë funksionale Gjykatën Kushtetuese. A është kjo një lëvizje e kreut të shtetit për të garantuar një marrëveshje më të drejtë, apo tregon një lloj përplasjeje me qeverinë?

Pakti që diskutohet sot është sepse të parin e rrëzoi Gjykata Kushtetuese. Në këtë fazë të parë që ndodhi, Gjykata Kushtetuese ishte përcaktuese sepse ajo e hodhi poshtë. Po të ishte për Bashën e Berishën, kjo marrëveshje ishte në rregull dhe ky problem do të ishte zgjidhur ashtu siç u firmos. Por ishte Gjykata Kushtetuese e cila me mendje profesionale dhe me eksperiencë erdhi në përfundimin që ashtu siç ishte bërë ishte e gabuar. Unë them që duke që në një akt shumë i rëndësishëm sidomos për kufijtë, të cilët është shumë e vështirë t’i ndërrosh sërish më pas, sa më shumë njerëz të marrin pjesë në një vendim të marrë, të kenë peshë në atë vendim dhe të kenë hapësirën e tyre, aq më mirë është. Tani ka ardhur koha që kufiri me grekët të sanksionohet dhe të bëhet ndryshe me rregulla të reja. Këto janë ngutje të një karakteri tjetër që e bëjnë edhe marrëveshjen të jetë me ngut. Mbase edhe Evropa ka gisht në këtë punë sepse Evropa nuk ka do që të shkojmë në gjirin e saj me probleme midis nesh. Janë shumë faktorë. Por duke e quajtur paktin e detit si një ngjarje gati unike sepse nuk kemi bërë shumë të tilla, unë do të thosha nuk kemi edhe pse të mos presim. Është një për tu diskutuar. Por nuk ma merr mendja që Presidenti ta ketë thënë për të vonuar, për të krijuar probleme, etj. Ka një gjë, evropianët tani janë bashkautorë të reformës në drejtësi dhe po të mos ishin ata, reforma nuk do të ishte bërë. Nga kjo pikëpamje, besoj se evropianët do të na kuptonin dhe janë të vetëdijshëm për këtë punë dhe për faktin se në vend nuk ka Gjykatë Kushtetuese. Reformat e mëdha, ndryshimet e mëdha duan kohën e tyre jo vetëm se janë të vështira për tu bërë, por që edhe njerëzit të familjarizohen dhe të diskutohen të gjitha pikat. Sigurisht që do të ketë njerëz që edhe do të kritikojnë, por do të ketë edhe të tjerë që do të mbështesin reformat dhe unë them që veç mirë bëjnë. Sipas meje, reforma të tilla nuk janë as për sot dhe as për nesër, nëse ato bëhen mirë do të funksionojnë për dhjetëra vjet. Kështu që nuk është ndonjë qamet i madh se shtyhet një vit apo dy vjet. Nëse shtyhet për mirë gjithmonë, por nëse shtyhet për keq që të pengohet, atëherë kjo është keq. Në këtë rast unë do ta quaj të vlefshme një këshillë të njerëzve të mençur që gjithsesi në rastin ekstrem mund të thonë jo, që jo marrëveshje ka një gabim, të korrigjohet kjo e më pas të kalojë.

-Ditët e fundit janë vënë re shumë sulme kundër reformës në drejtësi dhe ndërkombëtarëve. A mendoni se po ngjall frikë në politikë reforma?

Nuk besoj. Këto sulme përdoren si argumente në luftën politike. Por them që njerëz që duhet të tremben ka. Unë nuk do të doja të thosha politikanët apo politika, duke i përmbledhur të gjithë në një grup, njerëz të veçantë sigurisht ka. Njerëz të korruptuar që kanë përfituar nga detyra e tyre në shtet, nga detyra të rëndësishme që kanë pasur, sigurisht që edhe tremben. Nuk është për tu çuditur që shumë gjykatës dhe prokurorë të atij niveli që nuk na e merrte mendja, të Gjykatës Kushtetuese, të Gjykatës së Lartë, u detyruan të linin karrigen e tyre për gjëra që nuk i kishin parashikuar as ata vetë. Nuk i kishin bërë mirë llogaritë sepse në rast të kundërt i kishin zgjidhur me kohë ata. U kapën si gafil, nuk e kishin marrë shumë seriozisht dhe nuk e besonin se do të shkonte deri tek ata. Por tani mund të shkojë deri edhe tek politikanët sepse ka edhe një shembull që janë këta gjykatës e prokurorë që e lanë punën. Mund të ketë edhe politikanë që tani kanë frikë. Nëse ka një vullnet të përgjithshëm, atëherë kjo reformë do të bëhet. Sigurisht që vullneti më i rëndësishëm është ai i ndërkombëtarëve të cilët nuk tremben. Ata janë më të ftohtë dhe më të paanshëm në këtë reformë. Kur ne të hyjmë në BE, duhet t’i kemi zgjidhur këto probleme. Edhe në BE jo se nuk ka korrupsion, por jo në këtë nivel. Nuk është kaq masiv, nuk është kaq i dukshëm, është më fin vetëm për gjëra më të mëdha dhe jo për popullin. Ndërkombëtarët janë faktori më dashamirës ndaj reformës dhe po nguten që ta bëjnë dhe arsyeja e tyre është e qartë: nuk duan vende në BE me probleme në gjyqësor dhe me një sistem drejtësie të padrejtë. Unë shpresoj shumë tek ata sepse ata arritën të mbledhin 140 deputetë në një natë dhe i futë me zor apo pa zor në Parlament të votonin reformën. Ajo qe një provë e fortë që partnerët janë të fuqishëm në vendin tonë dhe për arsyen që ne jemi një vend i vogël.

-A mendoni se vetingu do të vijojë të qëndrojë larg ndikimit politik?

Shpresoj që po. Politika është e gjithëfuqishme sepse bën ligjet, emëron detyrat më të rëndësishme dhe në Parlament bëhet politikë. Kështu që nga kjo pikëpamje është e vështirë. Megjithatë po u vendosën kritere të forta që edhe politika të ketë detyrime të japë llogari pse e zgjodhi, pse nuk e zgjodhi, mendoj se gjërat mund të jenë mirë. Por nuk e di sepse nuk kemi as eksperiencën. Po të jetë një politikë e drejtë që synon vetëm të mirën e vendit, bëhet. Këtu ka një kërrabë edhe në politikë që tërheq gjithmonë nga vetja.

-Në Maqedoni pritet të arrestohet Gruevski sepse u shpall fajtor edhe në Apel. A po afron ora e arrestimeve edhe në Shqipëri?

Nuk e kisha dëgjuar akoma si lajm, por po më pëlqen më thënë të drejtën. Po më pëlqen edhe pyetja. Në vendet fqinje, në fillim u nis me Kroacinë, në Bullgari është provuar, edhe në Rumani po ashtu, ndërsa tani po bëhet në Maqedoni. Kjo do të thotë se në një farë mënyre po ngushtohet rrethi rrotull Shqipërisë nga vendet që kanë arritur që institucionet të përballen edhe me politikën. Do të më pëlqente që edhe këtu të ndodhte. Mbase është më e vështirë sepse në këtë vend tradita e funksionimit të drejtë të shtetit na ka munguar dhe kaluam nga diktatura në demokraci. Nuk kemi një traditë në të gjithë historinë që të jenë dënuar politikanë, funksionarë të shtetit. Deri tani nuk ka ndodhur. Nuk është e kollajshme të thuhet se po do të ndodhë. Por nëse do të mësojmë nga fqinjët dhe e mira është që të mësojmë dhe partnerët do të na ndihmojnë që ne ta largojmë këtë besëtytni që kemi që të mëdhenjtë e vendit janë të paprekshëm, bëhet, nuk ka asgjë. Në Shqipëri po të rrëshqiti këmba, edhe miqtë bëjnë kujdes që të mos i marrin me vete. Thjesht nuk është provuar. Mbase me këtë rast edhe bëhet sepse në fillim kështu bëhet. Hidhet një hap i parë, më pas hapi i dytë mbështetet tek i pari. Le të urojmë. Eksperienca e fqinjëve do të shërbejë dhe do të ndihmojë.

-Ditët e fundit kanë ndodhur shumë ngjarje kriminale në vend. A mendoni se po lëkundet siguria publike apo janë ngjarje të pashmangshme?

Jo, nuk them të pashmangshme, por as siguria nuk po lëkundet. Krimi e ndjek politikën me shumë vëmendje, krimi lulëzon kur politika nuk e ka mendjen tek krimi por tek lufta politike. Kjo është një periudhë e tillë e vështirë ku krimi ka ngritur kokë. Krimi ishte orientuar tek kanabisi, por është fakt që është kufizuar jashtëzakonisht shumë. 

Intervistoi: MimozaIbra

Më të lexuarat