“1 mld euro për....”, Varhelyi jep lajmin e mirë për vendin tonë: Shqipëria do jetë e para që do zhvillojë një...

Komisioneri europian Oliver Varhelyi tha në konferencë e përbashkët pas mbledhjes së Stabilizim Asociimit që u zhvillua në Tiranë se BE do të jetë në krah të Shqipërisë për të përballuar krizën energjetike.

Ai tha se BE ka dhënë 1 mld euro në paketën për energjinë në rajon, duke nisur me grantin 80 mln euro që u lajmërua nga presidentja e KE, Von der Leyen.

“Më kujtohet dita e parë në detyrë, ishte dita e tërmetit në Durrës, e më pas COVID. Jam i lumtur që Shqipëria u ngrit më  e fortë, BE do vazhdojë ta mbështesë Shqipërinë. Kemi dhënë 1 mld euro në paketën për energjinë. Ballkani mund të bëhet porta hyrëse për energjinë në Evropë. Shqipëria do jetë e para që do zhvillojë një terminal të gazit të lëngshëm natyror. Kjo duhet të ndihet në terren tek njerëzit. Kjo do ta rrisë rajoni më shpejt se BE”, u shpreh Varhelyi.