Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

11 kuksianët në burg, Manjani: Të arrestohen prokurorët dhe policët

Postuar: 16/04/2018 - 10:25

Ish-ministri i Drejtësisë Ylli Manjani e ka nisur ditën e sotme me akuza të ashpra ndaj prokurorisë për arrestimin e kuksianëve pasi protestuan kundër vendosjes së tarifës për rrugën e Kombit. Pas arrestimit, gjykata e Kukësit, e cila u zhvendos në Tiranë për efekte sigurie, la në burg 11 prej 23 kuksianëve, duke i gjykuar si të ligjshëm arrestimet e tyre, pasi ishin bërë pas orës 8 të mëngjesit.   Me anë të një statusi në profilin e tij në Facebook, Manjani thotë se në vend të 11 kuksianëve, të cilët janë ndaluar në shkelje të Kushtetutës, duhet të jenë policët dhe prokurorët. Në fund në reagimit, ish-ministri i Drejtësisë, Ylli Manjani, e quan krim shtetëror arrestimin dhe mbajtjen në burg të kuksianëve, ndërsa ka kërkuar lirimin e tyre të menjëhershëm.

“Kjo nuk është më turp, por krim! Policët, prokurorët dhe eprorët e tyre, që shoqëruan në mes të natës dhe i ndaluan në mes të ditës, duke fallsifikuar letrat, duhet të ishin në burg! Transmetimet vizive në media, provojnë se arrestimet janë bërë natën! Ndërkohë me letra ato janë arrestuar ditën! Çfarë shteti!!! Av Altin Goxhaj ka bërë një punë të shkëlqyer denoncuese me prova të qarta!

Fallsifikimi i Dokumentave, rrëmbimi i personit, arrestimi i paligjshëm heqja e paligjshme e lirisë, janë vepra penale. Të gjitha këto vepra janë kryer në bashkëpunim dhe në shkelje të rëndë të detyrës publike! Gjykatësja e Kukësit që gjykoi në Tiranë, jashtë rregullave, nuk mund të jetë më gjykatëse! Ka humbur çdo test të Vetting-ut! Ka legalizuar shkeljen e lirisë së personit dhe ka dhunuar vetë lirinë kushtetuese të qytetarëve! Ligjërisht ata që mbahen në mënyrë haptazi Anti-Kushtetuese duhet të ishin të lirë. Në vendin e tyre duhet të ishin dhunuesit publikë! Ky është krim shtetëror! I pastër fare!  Rilindja nuk njeh më ligj! Mbase ka zot...”, -thotë Manjani.

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/01/2019 - 23:58

Kryetari i grupit parlamentar të PS-së Taulant Balla nga jashtë ambienteve të Kuvendit komentoi vendimin e opozitës për të braktisur sallën.

Postuar: 16/01/2019 - 23:56

Kandidati i propozuar për rolin e Ministrint të Jashtëm, Gent Cakaj ka qenë në qëndër të vëmend

Postuar: 16/01/2019 - 23:19

Gazetarja investigative Klodiana Lala është e ftuar mbrëmjen e sotme në emisionin Opinion, së b

Postuar: 16/01/2019 - 23:15

Disa deputetë kanë gjetur marifete të tjera për t’i shtuar vlerat CV-së së tyre në fushën

Postuar: 16/01/2019 - 23:08

Pas miratimit sot nga Kuvendi të dekretit të Presidentit Ilir Meta për shkarkimin nga detyra e

Postuar: 16/01/2019 - 22:51

Seanca plenare për shqyrtimin e dekreteve të Presidentit për shkarkimin dhe emërimin e ministrave

Postuar: 16/01/2019 - 21:46

Klement Balili foli gjatë intervistës së sotme edhe rreth një vendimi për burgim të përjetshëm