A ja vlejti vendimi për djegien e mandateve nga opozita? Sali Berisha befason me përgjigjen

Ish-kryeministri Sali Berisha  e cilësoi si burokraci faktin që opozitës i kërkohet që të mbledhë firma për të kandiduar për zgjedhjet e 25 prillit, pasi dogji mandatet dhe u largua nga Kuvendi.

I pyetur se çfarë mendon, sot për vendimin për djegien e mandateve, ish kryeministri tha:

“Bojkoti nuk është asnjëherë një armë apo rrugë e dëshiruar. Bojkoti iu imponua PD-së nga qëndrimet intolerante, të njeriut që trashëgon më të zezën e paraardhësve të tij, bllokmen. 

Ku e argumentoj? Kjo është e faktuar në mënyrë të diskutueshme. Edi Rama në kundërshtim me ligjet e vendit urdhëroi komisionin qendror të zgjedhjeve të djegë mandatet, të ekzekutojë vendimin. 

Ai e deshi këtë me çdo kusht. Ai nuk ishte për një bashkëjetese parlamentare me opozitën shqiptare ndaj edhe në këtë kontekst mendoj unë, është e faktuar tani, që kjo mazhorancë ka një mendësi totalisht moniste dhe po i vjen fundit, është në muajt e saj të fundit” tha Berisha.