A keni një emër konkret për postin e Presidentit të ri? Taulant Balla e thotë troç

Kreu i Grupit Parlamentar të PS-së, Taulant Balla është pyetur sot nga mediat nëse kanë një emër konkret për postin e Presidentit të ri.

Keni emra për presidentin e ri?

“Në kohën e duhur unë do tu jap një informacion për emrat, në këtë fazë po përcaktojmë profilin e presidentit të ri. Do të ishte në respekt që mos jetë thashethemesh dhe baltë dhe intrige mediatike. Në media kam parë lloj lloj emri që qarkullon padrejtësisht. Nuk duam të bëhemi objekt skenari të kësaj telenovele. Ne nuk jemi në fazën për të nxjerrë emra, do të jetë një moment tjetër kur të biem dakord me profilin por të biem dakord edhe me emrin. Dua që me opozitën që 3 përfaqësues të PS-së jemi gati të ulemi në çdo moment në një tryezë.

Presidenti i ri do të personifikojë unitetin e popullit. Koha në dispozicion deri të mërkurën tjetër kur do të zhvillohet konferenca do të kenë kohë palët për të studiuar profilin e presidentit të ri. Po vazhdojnë mbërritja e propozimeve dhe ditët në vijim do tu njoftojmë për funksionin e këtij procesi. Shtyhet takimi me shoqërinë civile për javës tjetër, do të jemi bashkë me 3 kryetarët e grupeve parlamentare të opozitës, Doda, Mediu dhe Alibeaj.”, tha Balla.

Sa kohë do ta prisni PD?

“Afatet këtu i ka vendosur kushtetuta që përcakton zhvillimi i raundit të parë rreth 10 majit është datë e pranueshme nga të gjitha palët. Ky është afat i mjaftueshëm secila nga palët ka pasur kohën e nevojshme për të diskutuar për këtë çështje.