Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Acarohen mediat serbe: Vendimi i CAS skandaloz, shuplakë ndaj futbollit botëror

Acarohen mediat serbe: Vendimi i CAS skandaloz, shuplakë ndaj futbollit botëror

Postuar: 11/07/2015 - 07:53

Mediat serbe kanë reaguar ashpër ndaj vendimit të Arbitrazhit Sportiv, i cili përveç fitores që i dha në tavolinë Shqipërisë për ndeshjen e Beogradit, nuk i hoqi pikët minus Serbisë. Edhe pse fillimisht shumë prej tyre nuk po e pasqyronin lajmin, disa nisën me kritika dhe akuza. Ndër mediat më agresive ka qenë gazeta “Krurir”, e cila u mor gjatë me incidentin në Beograd, e cila ka lëshuar akuza të shumta ndaj UEFA-s. Ky portal, kujton se në që në Mars, faqja zyrtare e UEFA-s kishte publikuar një renditje të kombëtareve të grupit i të kualifikimeve për ‘Euro2016’, e ku Serbisë i figuronin -2 pikë.
 
“Edhe pse ishte menduar atëherë se ky ishte një gafë, tani lind pyetja nëse njerëzit e UEFA e dinin që në fund të marsit se si do të ishte vendimi i gjykatës në Lozanë”, shkruan ndër tjera “Kurir”. Po ashtu kjo gazetë e ka cilësuar vendimin skandaloz dhe një shuplakë ndaj futbollit botëror. Ndërkohë sipas gazetës serbe “Telegraf” shqiptarët morën 3 pikët, pasi patën një lobing më të fortë pranë Gjykatës së Arbitrazhit Sportiv. E përditshmja “Blic” pretendon se ky është një vendim politik duke e quajtur të çuditshëm. Ndërkohë, me shkronja kapitale shkruan: “E pabesueshme. Gjykata e Lozanës i dhuron fitoren Shqipërisë, Rama feston ‘drejtësinë’”.
 
Ndërsa, vijon njoftimi për vendimin e CAS, duke cituar mediat daneze, por duke pasqyruar edhe statusin e kryeministrit Rama. Me fjalët e kreut të qeverisë hapet edhe shkrimi në sajtin e “B92”, duke cituar Ramën që ka shkruar se “drejtësia u vendos”. Në titullin e kësaj media thuhet: “Çështja e ‘dronit’: Shqipëria merr tre pikë”. Po ashtu ashpër kanë reaguar dhe një sërë mediash të tjera, që e kanë parë me një sfond politik këtë vendim. Edhe në rastin e vendimit të UEFA, e cila i dha fitoren Serbisë, mediat sërish reaguan ashpër, ku ky vendim solli dhe dorëheqjen e trajnerit të kombëtares. 
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/11/2019 - 20:40

Kryeministri Rama ndodhet në këto momente në stadiumin e ri  të Kombëtares së Shqipërisë për inaugurimin e impiantit të ri sportiv “Air Albania Stadium” ku pas pak pritet të fillojë ndeshja me Francën

Postuar: 17/11/2019 - 19:45

Kryeministri Edi Rama ka mbërritur në stadiumin “Air Albania”, bashkë me djalin e tij

Postuar: 17/11/2019 - 18:44

Presidenti Ilir Meta do të takohet të martën me krerët politikës të opozitës së bashkuar në orën

Postuar: 17/11/2019 - 18:37

Nënkryetari i Lëvizjes Socialiste për Integrim, Petrit Vasili, ka reaguar ndaj deklaratave të ish

Postuar: 17/11/2019 - 18:14

Sekretari i LSI-së Endrit Braimllari akuzoi deputetët e PS-së Ulsi Manja dhe Fatmir Xhafën se po

Postuar: 17/11/2019 - 17:27

Ministrat e BE-së më 19 nëntor për herë të parë propozimin francez për reformimin e politikës së

Postuar: 17/11/2019 - 17:17

Presidenti Ilir Meta ka reaguar ashpër për presionin që sipas tij po i bëhet anëtarës së Gjykatës