Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Aksioni i Task-Forcës së ujit, ndërpriten 2325 lidhje të paligjshme në Tiranë

Postuar: 17/07/2017 - 10:54

Vijon aksioni për disiplinimin e situatës së ujit të pijshëm në kryeqytet. Task-Forca e ngritur nga Bashkia e Tiranës dhe Ujësjellës-Kanalizime janë në terren për menaxhimin e situatës dhe prerjen e çdo lidhje të paligjshme.

Këto ditë, puna e grupeve të punës është fokusuar në zonat: Farkë, Zall Herr, Petrelë, Babrru, zona te Pularia, Rr. “M.Grameno”, Rr. “Pashë Hysa”, Rr. “Siri Kodra”, Vilat Selitë, Komuna e Parisit, Yzberisht, Kombinat, si dhe në linjat e transmetimit DN 700, DN 1000 dhe DN 1200.

Nga monitorimi i situatës në terren u verifikuan 1167 raste, ku u identifikuan dhe u shkëputën 216 raste të lidhjeve të paligjshme në rrjetin e ujësjellësit, duke qenë se uji i pijshëm përdorej për ujitje apo për larje të automjeteve. Gjatë këtyre tre ditëve u vendosën gjoba për 10 abonentë familjarë dhe për 3 biznese.

Një vëmendje e veçantë i është kushtuar edhe lidhjes së kontratave të rregullta me UKT, si dhe për vendosjen e matësve të rinj të ujit. Në tre ditë janë nënshkruar 147 kontrata të reja, si dhe 58 aktmarrëveshje për pagesën e ujit. Gjithashtu, specialistët e Ujësjellës Kanalizimeve Tiranë vendosën edhe 415 matës të rinj uji.

Që nga nisja e aksionit për prerjen e lidhjeve të paligjshme, si dhe të çdo rasti tjetër të abuzimit me ujin e pijshëm që përdoret për qëllime të tjera, kryesisht për ujitje të tokave dhe të mbjellave bujqësore, janë verifikuar 13014 raste. Nga këto janë konstatuar në total 2325 raste të lidhjeve të paligjshme, të cilat janë prerë nga grupet e Task Forcës.

Në ato raste kur grupet e Task Forcës kanë evidentuar abuzime, subjektet janë gjobitur sipas parashikimit në ligj, ku në total janë vendosur gjoba për 181 abonentë familjarë dhe për 103 biznese.

Ndërsa, numri i kontratave të reja të lidhura që nga dita e parë është 1256, si dhe janë nënshkruar 430 aktmarrëveshje me UKT për pagesat e ujit të pijshëm. Specialistët e UKT kanë vijuar edhe punën për vendosjen e matësve të rinj të ujit në rastet kur janë të dëmtuar apo që mungojnë. Në total numri i matësve të rinj të ujit të vendosur është 1986.

Bashkia e Tiranës ka vendosur në dispozicion të qytetarëve dy numra telefoni pa pagesë, 08004488 të Ujësjellësit të Tiranës dhe atë të Bashkisë 08000888, për të raportuar problemet e furnizimit me ujë të pijshëm, apo të denoncojnë rastet e abuzimit të cilat dëmtojnë rrjetin e ujësjellësit.

/Agjensia e Lajmeve Sot News/

Na Beni Like Ne Facebook: 
Total votes: 17

Lajme nga e njejta kategori

Postuar: 24/11/2017 - 22:36

Kryetarja e LSI, ka komentuar zgjedhjen e kryeprokurorit të ri dhe të përkoshëm, pasi në muajin dhjetor përfundon mandate i Adriatik Llallës.

Postuar: 24/11/2017 - 22:19

Kryetarja e Lëvizjes Socialiste për Integrim, Monika Kryemadhi, e ftuar në emisionin “Studio e hapur” ka sulmuar ashpër kreun e Bashkisë së Tiranës Erjon Veliaj.

Postuar: 24/11/2017 - 21:40

Kryetarja e Lëvizjes Socialiste për Integrim, Monika Kryemadhi, e ftuar në “Studio e Hapur” nga Eni Valisi në televizionin News 24, deklaroi se zyrtarët e policisë q

Postuar: 24/11/2017 - 20:35

Deputeti i PD, Tritan Shehu ka denoncuar përmes një statusi në Facebook mosfunksionimin e pajisjes për të sëmurët që trajtohen me radioterapi në QSUT.

Postuar: 24/11/2017 - 20:21

Kreu i grupit parlamentar të LSI-së, Petrit Vasili në një intervistë për Report Tv ka deklaruar, se arrestimin e 3 ish-oficerëve të lartë të Policisë nuk e lejon vetë kryeminist

Postuar: 24/11/2017 - 19:34

Ditën e sotme ministri i Brendshëm, Fatmir Xhafaj ka bërë një kallëzim penal në Prokurori lidhur me dekonspirimin e operacionit për kapjen e 3 ish-zyrtarëve të policisë të dys

Postuar: 24/11/2017 - 18:03

Djali i miliarderit botëror George Soros, Alex Soros, ndodhet për vizitë në Shqipëri ku ka takuar edhe kryeministrin e vendit Edi Rama.