Akuzat e opozitës për bashkëshortin e saj, reagon Olta Xhaçka: Spekulim! Për 15 minuta famë...

Në një konferencë për gazetarët nga Kryeministria, ministrja Olta Xhaçka u përgjigj lidhur me akuzat për investimin strategjik të burrit të saj.

Ajo tha se nuk ka përftuar asnjë centimetër tokë dhe asnjë para publike nga ky investim dhe shtoi se ky është një biznes privat dhe toka do të vazhdojë të jetë publike.

Xhaçka: Një centimetër tokë publike ose një lek para publike të përfituar nga unë apo bashkëshorti, patjetër do t’u jepja përgjigje nëse pasuritë i kemi të ndara apo të përbashkëta. Ky është një spekulim i pak deputetëve të opozitës që u ka humbur konteksti politik për 15 minuta famë edhe në këtë konferencë shtypi që është shumë e rëndësishme për arenën ndërkombëtare.

Ky është një diskutim nëse një biznes privat ka të drejtën që të hapë apo të mos hapë çadra në plazh që nuk tjetërsohet dhe është pronë publike.