BREAKING NEWS

Regjistrohen 40 raste të reja me koronavirus, asnjë viktimë në Shqipëri

Regjistrohen 40 raste të reja me koronavirus, asnjë viktimë
x
BREAKING NEWS

Sali Berisha do të largohet përfundimisht nga Partia Demokratike? Kreshnik Spahiu bën parashikimin e BUJSHËM, zbërthen skenarin e ish-kryeministrit: Do ndodhë në shtator. Uroj që ambasadorja Kim të kuptojë këtë!

Sali Berisha do të largohet përfundimisht nga Partia Demokratike?
x
BREAKING NEWS

“Një ndryshim i madh po vjen”/ Spartak Ngjela lëshon ‘BOMBËN’, zbulon për herë të parë fundin fatal që e pret Sali Berishën pas shpalljes ‘non grata’: Deklarata e Yuri Kim rrugë shpëtimi për Bashën, ja çfarë pritet

“Një ndryshim i madh po vjen”/ Spartak Ngjela lëshon
x
BREAKING NEWS

Vjen momenti i shumëpritur! Mbërrijnë në atdhe 5 gra dhe 14 fëmijë shqiptarë që ishin të ngujuar në kampin e ferrit ‘Al Hol’ në Siri, shoqërohen nga Rama dhe Çuçi (VIDEO)

Vjen momenti i shumëpritur! Mbërrijnë në atdhe 5 gra dhe 14
x

Politike

Alfred Peza plas ‘bombën’, nxjerr emrin e politikanit të njohur shqiptar që do të fundoset së shpejti: Pas Berishës dhe Metës, radha është e...

Alfred Peza plas ‘bombën’, nxjerr emrin e politikanit të

Alfred Peza ka paralajmëruar ‘valë’ shpalljesh non-grata dhe një periudhë të nxehtë politike këtë sezon veror.

Peza ka folur me emra, duke përmendur se radhën pas ish-kryeministrit Sali Berisha, presidentit Ilir Meta e ka kryedemokrati Lulzim Basha.

Sipas tij, “nëse Basha nuk ia del deri në shtator por vijon sërisht të qahet, qurravitet e zvarritet, e sigurtë është se pas Sali Berishës dhe Ilir Metës, radha për të hapur krahun do jetë e Lulzim Bashës! E për këtë mjafton një “non grata”…

“Radha për tu testuar nga “poligrafi” i sistemit demokratik për Shqipërinë, pas Sali Berishës dhe Ilir Metës, tani është e Lulzim Bashës. Pasi e mori ashtu si e mori mandatin për ta drejtuar PD deri më 2025 e për rrjedhojë edhe opozitën shqiptare, Lulzim Basha është në testin e makinës së të vërtetës, përballë demokratëve, shqiptarëve dhe ndërkombëtarëve. Sepse pas kësaj, ai nuk ka më asnjë justifikim për të dhënë, se përse nuk po ia del që të ngjitet dot në lartësinë e liderit real të opozitës në Shqipëri.

Nuk kanë më asnjë alibi as ata që përgjatë këtyre 8 viteve të fundit, kanë dashur ta justifikojnë Lulzim Bashën përballë pafuqisë së tij olimpike, për tu ngritur në lartësinë e një alternative reale përballë Edi Ramës. Askush nuk mund ta justifikojë dot më nga sot e tutje Lulzim Bashën, nëse nuk do të jetë në gjendje nesër që të bëhet ai që opozitarët presin presin prej tij, në mënyrë që ti rikthejë më në fund në pushtet.

Sepse të gjithë besoj e mbani mend kur na thonin se Lulzim Basha nuk mund ta vrasi dot “babain” e tij politik, sepse përmes kësaj do të dëshmonte se ai nuk i ishte mirënjohës Sali Berishës, që e mbështeti për tu bërë Kryetari i PD. Askush nuk mund ta justifikojë dot më Lulzim Bashën duke thënë se ai nuk mund të ecte në gjurmët e Edi Ramës, sepse historia politike e Fatos Nanos, është e ndryshme nga ajo e Sali Berishës në raport me PD.

Shqiptarët dhe bota mbarë e kanë mësuar tashmë përmes Sekretarit Amerikan të Shtetit se Sali Berisha dhe familja e tij janë shpallur “non grata” sepse akuzohen zyrtarisht për “akte korrupsioni që minojnë demokracinë”. Pra Lulzim Basha i ka tashmë duart e lira për tu distancuar nga “babai” i tij politik, derisa ai të pastrojë veten nga këto akuza, e për rrjedhojë edhe PD nga balta që ka mare prej tij.

Tani Lulzim Basha e ka mandatin e kryetarit të partisë dhe askush nuk mund tia heqi dot nga dora, madje as Sali Berisha vetë, pavarësisht se duket që e dëshiron aq shumë këtë kohë. Me një numër mjeran votash të fituara në zgjedhjet e 25 prillit si kandidat i PD për deputet në qarkun e Tiranës, me malin më të lartë të akuzave që një ish lider i këtyre përmasave politike ka patur ndonjëherë në kurriz në botën demokratike postkomuniste, Sali Berisha është më i dobët se kurrë në këto 30 vjet.

Pas kësaj Lulzim Bashës nuk do i duhet të bëjë ndonjë heroizëm të madh, sepse kokën politike të Sali Berishës ia kanë sjellë me një tepsi të argjendtë, partnerët tanë strategjikë. Kazusin për ta “vrarë” atë politikisht, ia kishin bërë gati me kohë, mjafton që ta largojë nga Grupi Parlamentar i PD në shtator sipas të njëjtës praktikë që janë larguar edhe të tjerë pasi u shpallë “non grata” nga SHBA. Nëse nuk e bën, faji për këtë nuk është më as i demokratëve, as i shqiptarëve dhe as i perëndimit, por vetëm i tij.

Ndaj radha për ti “hequr shikimin” në Shqipëri pas Sali Berishës dhe Ilir Metës, nga ana e aleatëve tanë strategjikë, i vjen Lulzim Bashës. Sepse nëse ai nuk distancohet prej tyre, nëse nuk shkëputet prej tyre, nëse nuk krijon largësinë e cuaktuar “higjenike” me ta brenda sistemit demokratik, do të thotë se ai është si ata. Madje Lulzim Basha pas kësaj është ata, sepse nuk ka asgjë që ta diferencojë nga ata. Ndaj duhet trajtuar si i barabartë mes të barabartëve në mëkatet të pushtetit, me Sali Berishën e Ilir Metën.

Deri dje Lulzim Basha i ankohej ndërkombëtarëve, njerëzve e bashkëpunëtorëve më të afërt e besnikë, këshilltarëve dhe analistëve pranë tij se nuk mund të bënte dot një opozitë kontruktive, sepse nuk e linin Sali Berisha e Ilir Meta. Nuk mund të dilte kundër djegies së mandateve të deputetëve, sepse kështu kishte urdhëruar Sali Berisha. Nuk mund të futej dot në zgjedhjet lokale, sepse kështu kishte dashur Ilir Meta, që i çdekretoi ato.

Por tani që Sali Berisha është i gozhduar në kryqin politik të listës së zezë së SHBA dhe Ilir Meta i shkarkuar si Presidenti i Republikës, për Lulzim Bashën nuk pi më ujë asnjë justifikim. Asnjë alibi. Asnjë gënjeshtër. Asnjë sajesë. Asnjë truk. Sepse e ka si kurrë më parë, të gjithë lëndinën politike të opozitës, të hapur. Bosh. Të pa zënë nga askush. Vetëm për veten.

Ndaj pasi e ribë Kryetar, Lulzim Bashës i duhet të bëhet, edhe lider. Por lider nuk bëhesh dot as me votime formale brenda partisë dhe as me dekret hyjnor, por vetëm me akte personale. Nëse nuk ia del deri në shtator por vijon sërisht të qahet, qurravitet e zvarritet, e sigurtë është se pas Sali Berishës dhe Ilir Metës, radha për të hapur krahun do jetë e Lulzim Bashës! E për këtë mjafton një “non grata”…

Kush do vijë pas tij? Birbili ka rënë, loja ka nisur dhe lojtarët e parë po vrapojnë në fushë. Të tjerë akoma, po bëhen gati!”, shkruan Alfred Peza.