Analisti Ben Andoni komenton skandalin e ‘McGonigal’: Rama është i implikuar, duhet të përgjigjet në Parlament, por do që të fitojë ...

Gazetari dhe analisti Ben Andoni ka komentuar skandalin e ish zyrarit të arrestuar të FBI, Charles McGonigal dhe përfshirjes në këtë çështje të kryeministrit shqiptar Edi Rama.

Në një intervistë në studion e Panorama TV, Rama tha se për shkak të procedurave të hetimit që do të zgjasin në SHBA, Rama do fitojë kohë sepse kjo cështje do venitet siç po harrohen tani edhe një ndër aferat që ka denoncuar opozita dhe është në hetim nga drejtësia, ajo e inceneratorëve.

Ndërsa për mungesat e kryeministrit në Parlament, për të mos dhënë përgjigje për këtë çështje, Andoni tha se Rama do që të fitojë kohë deri kur McGonigal të ballafaqohet me akuzat dhe faktet.

Nga ana tjetër gazetari dhe analisti theksoi se institucionet e pavarura shqiptare duhet të reagonin për këtë çështje, pasi përmendja e emrit të kryeministrit Rama në aktakuzën amerikane, nuk është pak.

Deklarata e Ben Andonit në intervistën në Panorama TV:

Përpara udhëtimeve të tij, në Parlament ai njeri duhet t’i përgjigjet, duhet të jetë prezent përballë shqetësimeve shumë të mëdha që ka vendi. Duket që Rama do të fitojë kohë, për ecurinë që do marrë cështja McGonigal në SHBA.

Në fillimjavë McGonigal do dalë në gjykatë, e nuk deklarohet ende fajtorë, kur do përballen provat atëherë do shihet deri ku ka shkuar e sa implikohet kryeminstri e adminstrata jonë. Rama do të fitojë kohë, akoma kjo cështje është larg vendit tonë, por deri sa emri i kryeministrit parqitet nuk është larg fare, 14 herë nuk është pak është një mal.

Ne kemi institucione të pavarura të cilat duhet të flisin për paratë, që nga deklarimet e zotit Rama, të këshilltarëve të tij e me radhë. Nuk ka ndodhur, tregon se tek ne problemi është shumë më i madh.

Rama nuk ka frikë se ka cdo institucion e kontrollon, ka pushtet të plotë në vendin tonë, është i implikuar por nëse kjo çështje zgjat pafund me procedurat në SHBA, ai fiton kohë.

Do venitet interesi se Shqipëria përcjell nga njëri skandal në tjetrin.
Pothuajse po harrohet fare inceneratorët, janë harruar fare cështje të tjera madhore, pjesa e Portit të Durrësit.

Kjo kohë ka fashitur problemaikën e administratës sonë, arrogancën e zotit Rama dhe problematikat e mëdha, ligje në parlament që shqyrtohen në kohë rekord e kjo është dhimbja më e madhe për mua.