Analisti "zbërthen" deklaratën e Ambasadës Amerikane: Ja mesazhi që i dha deputetëve të grupit Bardhi

Analisti Ergys Mërtiri ishte tha se deklarata e Ambasadës Amerikane ku thuhej që aktorët e politikës duhet të rishikojnë me kujdes qëndrimet e tyre pranë personave të shpallur “non grata”, ishte e njëjtë me atë të ambasadores Kim, e cila paralajmëroi se “do të hani bar” nëse mbështesni Berishën. Mërtiri tha se amerikanët ripërsërisin të njëjtin qëndrim, në mënyrë që opozitarët të mos gënjejnë veten se nëse Berisha do bëhet kryetar i PD, Amerika do të ndryshojë qëndrim.

“Amerikanët ripërsëritën të njëjtin mesazh që kanë dhënë gjithmonë. Ata kanë një qendrim shumë të thjeshtë në gjykimin tim, të paktën formalisht korrekt dhe komod për ta.  
Ata thonë ne nuk ju vendosim juve kushte se kush të drejtojë, zgjidhni kë të doni, por ne kemi vendosur që partneritet me Sali Berishën  ne nuk bëjmë. Ju bëni çfarë të doni nëse doni të rrini me Sali Berishën vazhdoni.

Ky është një përkthim ndryshe i asaj që tha Yuri kim që po zgjodhët Sali Berishën “do hani bar”. Këto gjëra këta i përsërisin, pasi Sali Berisha natë e ditë gënjen shqiptarët dhe thotë se sa ta marr unë  këtë, do qëndrojë qëndrim Amerika, ndaj Amerika e përsërit”,-tha analisti Ergys Mërtiri.