Arian Curri zbulon skenarët që po luhen në prapaskenë: Pse ambasadorja Yuri Kim nuk reagoi për arrestimin e Vangjush Dakos

Arrestimin e ish-kryebashkiakut të Durrësit, analisti Arian Curri e sheh si “tymnajë” për lirimin e Sajmir Tahirit nga burgu.

Në Top Story, Curri renditi disa “skenarë” për arrestimin e Vangjush Dakos, për të cilin tha ra në rrjetë njësoj si Lefter Koka, pasi “u përdor për të fituar zgjedhjet nga qeveria”.

Curri tha se në darkën që u zhvillua mbrëmjen e djeshme në ambasadë mes kryeministrit Rama dhe ambasadores Kim, kryesocialisti e “shet” si sukses arrestimin, por vë në pikëpyetje mos reagimin e diplomates amerikane, e zotuar për “peshqit e mëdhenj”.

“Nuk e shikoj si fitore të banorëve, por spektakël i niveleve të  larta. Ka muaj dhe vite që hetohet Dako, pse nuk u arrestua më herët. Për nderin e fundit që t’i bënte maxhorancë të fitoheshin zgjedhjet në Durrës. A ngjan rasti i Dakos me Lefter Kokën që u përdor për të fituar zgjedhjet. Vetëm disa ditë pas lirimit të Sajmir Tahirit për shmangie vëmendje që SPAK-u bën rrokadë. Liruam Sajmir Tahirin dhe arrestuam Vangjush Dakon. Tani që flasim në ambasadë po hahet një darkë mes kryeministrit dhe ambasadores Kim. A mos ndoshta Rama i thotë mos u mërzit, ja arrestuam Vangjush Dakon, non grada, drejtësia jon e re po i arreston këta. Nëse dikur filmat paraprinin realitetin, tani realiteti paraprin filmin. Shko në polici, e ke me perde derën e Drejtorisë. Kjo drejtësi është me regji. Unë po bëj një pyetje, pse Dako arrestohet pas zgjedhjeve vendore? Pse ambasadorja nuk e përshëndeti Dakon siç ka bërë me arrestimin e peshqve të mëdhenj. I ka përdorur Rama dhe tani lëshon, është bërë edhe me zotin Lefter Koka. I përdor i thot SPAK prit edhe pak, në momentin që të rrezikon ekzistencën, i lëshon. Mund t’i prishë fabulën e drejtësisë së re. I përdor si limon dhe mbasi i shtrydh i heq", deklaroi Curri.