Arrestimi i Fredi Belerit prapavijë politike? Reagimet e opozitës dhe palës greke, ligjvënësja e PS zbardh prapaskenat: Nëse ka shkelur ligjin do dënohet, SPAK do të...

Ligjvënësja e PS, Anila Denaj në një intervistë për Panorama Tv ka komentuar arrestimin e kryebashkiakut të zgjedhur në zgjedhjet lokale të 14 majit në Himarë, Fredi Belerit ku tha se nëse ky i fundit ka shkelur ligjin dhe vërtetohen akuzat për blerje votash atëherë ai duhet të dënohet.

Lidhur me akuzat e opozitës së arrestimi i Belerit është politik dhe reagimet e palës greke, Denaj tha se palët duhet të lënë SPAK që të flasë dhe se vendi ynë do të ndjekë të gjitha procedurat ligjore.

Në Himarë fitoi koalicioni ‘BF’ por kryebashkiaku i zgjedhur ndodhet pas hekurave.

Himara nuk është zonë minoritare, por Shqipëri. Individët që vijnë nga forcat politike mund të jenë përfaqësues të minoritetit dhe përballen me ligjin kur kanë procese të jashtëligjshme. Nëse Beleri është kapur në flagrancë dhe vërtetohet, ka shkelur ligjin. Nuk lidhet nëse është kryetar i zgjedhur me votë, por shkelja e ligjit do dënonte njësoj si qytetar i thjeshtë dhe kryebashkiakët.

Arrestimi sipas opozitës është politik, por ka pasur reagime dhe nga Greqia. A lidhet ky arrestim me prapavijë politike?

Ne të gjithë duhet të presim SPAK të flasë, nuk dua të bëj mbrojtje dhe ti përgjigjem opozitës. Do flas pasi të reagojnë organet kompetente, të njëjtën gjë duhet të bënin dhe palët.

Ne jemi një shtet sovran dhe do ndjekim të gjitha procedurat ligjore.