Arrestimi i Vangjush Dakos, reagon avokati Gjokutaj dhe zbardh prapaskenat e forta: Një show politik, ja pse nuk do të dënohet

Avokati Genc Gjokutaj u shpreh sot se arrestimi  i Dakos duhet të ishte bërë për vepra të tjera penale dhe vjedhjen e votave si një grup i strukturuar kriminal dhe jo për disa shkelje që janë parashkruar dhe se nuk do të dënohet.

"Nga sa njoftohet flitet për një leje ndërtimi të dhënë dhe një falsifikim nga ajo që mediat kanë dhënë deri tani. Për dijeni të publikut të dyja këto vepra falsifikimi është parashkruar sepse flitet që nga vitet 2014 dhe edhe nëse dot vërtetohet do të pushohet ndrysa shpërdorimi i detyrës është në kufi të parashkrimit.

Këtyre çështjeve i paraprinë 5 fushata elektorale ku Dako i  ka paraprirë zgjedhjeve, Dako është përfolur në lidhje me përgjimet e "Bild"-it në dosjen "339" ku aty nëse do të kishte vullnet për hetim dhe vërtetë luftë kundër krimit ajo dosje duhej të hetohej.

Nëse aty nuk ka pasur evidencë apo është mbyllur dosja me urdhër politik rasti i sotëm është një karikaturë juridike, një tallje me interesin publik dhe me sensibilitetin që njerëzit kanë ku një kryetar ka dhënë një leje të falsifikuar por në të vërtetë nuk është zbatuar.

Kjo është metoda e punës së Ramës, nëpërmjet OFL kërcënojë të gjitha grupet kriminale ku i mori pronat në fillim tani ja ka kthyer të gjitha pasi i kishin kaluar filtrat. Dako as nuk ka rrezik të largohet, as të prishë provat dhe as të intimidojë njeri pasi kjo ka 8 vite që ekziston, kjo është një manovër që ky pushtet po përdor si një skenar për të shpëtuar kupolën e pushtetit të korruptuar"- u shpreh Gjokutaj për Syri TV..