Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Arta Marku: Urdhërova procedimin e 10 prokurorëve se u bënë palë për të bllokuar luftën ndaj krimit, do mbajnë përgjegjësi penale

Postuar: 22/09/2018 - 10:10

Kryeprokurorja Arta Marku ka reaguar ditën e djeshme sa i takon përplasjeve me prokurorët e Krimeve të Rënda për dosjen e Emiljano Shullazit. Përmes një deklarate të shpërndarë dje për mediat, Markuzbardhi të vërtetën, teksa deklaroi se situata e fundit me kaosin e prokurorëve është sajuar nga frika e përballjes me luftën kundër krimit të organizuar dhe korrupsionit, pa dallim. Kështu që e ndodhur përpara kësaj situate, ajo vuri në dukje se urdhëroi procedimin e 10 prokurorëve, pasi sipas saj, u bënë palë për të bllokuar luftën ndaj krimit të organizuar. “Me përgjegjësinë e detyrës që më ka ngarkuar Kushtetuta dhe ligji, kam detyrimin institucional dhe qytetar për të komunikuar dhe ndarë me ju dhe me këdo që i do të mirën këtij vendi, por edhe miqtë dhe partnerët ndërkombëtarë që asistojnë punën e institucionit të Prokurorisë në të gjitha nivelet, të vërtetën e kësaj situate të sajuar nga frika e përballjes me luftën kundër krimit të organizuar dhe korrupsionit, pa dallim. Për këtë arsye, është në detyrimin tim ligjor që të marr masat e nevojshme ligjore për cilindo Prokuror apo Oficer të Policisë Gjyqësore që refuzon pa asnjë shkak ligjor, të ushtrojë detyrën dhe funksionin e tij kushtetues, për të luftuar kriminalitetin dhe krimin e organizuar në veçanti dhe, për më tepër, në Prokurorinë më të rëndësishme në vend. Prokurorët e Krimeve të Rënda, ndaj të cilëve është urdhëruar fillimi i hetimit disiplinor, kanë refuzuar të marrin pjesë në hedhjen e shortit, për të përfaqësuar në gjykim një çështje shumë sensitive për opinionin publik”, deklaroi ajo.

Ndëshkime penale për këdo

Kryeprokurorja Arta Marku ka vijuar më tej në deklaratën e saj duke u shprehur se është e vendosur që të zbatojë ligjin dhe Kushtetutën. Në këtë kontekst, Marku lëshoi mesazhe për vartësit e saj dhe jovetëm, duke theksuar se kush refuzon të luftojë krimin, do të ndëshkohet. “E ndjej si përgjegjësi kushtetuese por edhe si detyrim qytetar, t’ju garantoj, se përsa kohë do të jem në detyrën që më ka ngarkuar Parlamenti shqiptar, sovrani im dhe i juaji, të dashur qytetarë të vendit tim, unë jam e vendosur për të zbatuar pa hezitimin më të vogël Kushtetutën, ligjet në fuqi dhe Kodin e Etikës së Prokurorit dhe nuk mund të rri duarkryq kur prokurorët e shtetit refuzojnë të ushtrojnë funksionet e tyre kushtetuese dhe ligjore. Çdo prokuror që refuzon të bëjë detyrën do përballet me përgjegjësi disiplinore, por edhe penale sipas rastit”, u shpreh kryeprokurorja Marku.

Marku jep detaje

Kryeprokurorja Arta Markuvuri në dukje se për dosjen Shullazi është caktuar një grup prokurorësh për të përfaqësuar akuzën në gjykim, pas kaosit që u krijua me largimet dhe rebelimet.“Unë do të vazhdoj me ju krah për krah, të bëj detyrën time, me profesionalizëm dhe ndershmëri dhe dua të garantoj qytetarët shqiptarë se vendimmarrja ime nuk ka cenuar asnjë çështje, qoftë në hetim apo në gjykim, në Prokurorinë për Krime të Rënda. Për çështjen Shullazi ku një grup i caktuar prokurorësh refuzuan të ushtrojnë përgjegjësitë e tyre kushtetuese dhe ligjore, është caktuar një grup prokurorësh për të përfaqësuar akuzën në gjykim. Po ashtu, një grup tjetër prej 4 prokurorësh po merret me çështjen Tahiri, nga momenti i regjistrimit të saj”, nënvizoi kryeprokurorja Arta Marku.

Rigels Seliman

/Agjensia e Lajmeve Sot News/

Na Beni Like Ne Facebook: 
Total votes: 9

Lajme nga e njejta kategori

Postuar: 20/10/2018 - 18:07

Ditën e sotme, ka reaguar deputetja demokrate, Jorida Tabaku, e cila ka thënë se sot shqiptarët paguajnë më shtrenjtë çmimet e hidrokarbureve.

Postuar: 20/10/2018 - 17:54

Kreu i PD, Lulzim Basha ka zhvilluar ditën e sotme një takim me Ministrin e Jashtëm.Teksa ka publ

Postuar: 20/10/2018 - 17:30

Kryeministri  Rama, i pranishëm në anëtarësimet e reja të Partisë Socialiste në Kamëz, dekla

Postuar: 20/10/2018 - 17:26

 Kryeministri Edi Rama tha se qytetarët kanë akses në çdo kohë për të përçuar ankesën tek pl

Postuar: 20/10/2018 - 17:14

Nga kamza ku kryeministri Edi Rama po vijon turin e takimeve dhe anëtarësimeve të reja në Partinë

Postuar: 20/10/2018 - 17:00

Ndërsa Ministrja e Drejtësisë i kërkon KLD-së të zhbëjë vendimin ose ndryshe paralajmëron padi në

Postuar: 20/10/2018 - 15:16

Debati në mbledhjen me dyer të mbyllura të Këshillit të Lartë të Drejtësisë, që miratoi dy vjet l