BREAKING NEWS

PS vijon “luftën”, Presidenti drejt 'fundosjes'/ Zbulohet data e përfundimit të hetimeve për shkarkimin e Metës, ja kur përfundon puna e Komisionit Hetimor

PS vijon “luftën”, Presidenti drejt 'fundosjes'/
x

Politike

Artur Metani hap dosjet e skandaleve në drejtësi, nis hetimi për gjyqtaren që liroi të dënuarin përjetë, ja detajet

Artur Metani hap dosjet e skandaleve në drejtësi, nis hetimi për

Kreu i Inspektorit të Lartë të Drejtësisë, Artur Metani ka nisur hapjen e dosjeve të skandaleve në drejtësi. Prej gati 3 vitesh, ILD ishte jashtë funksionit, duke bërë që shumë gjyqtarë të merrnin vendime sipas dëshirës pasi nuk kontrolloheshin nga asnjë. Por ardhja e Artur Metanit në krye të ILD ka sjellë që ky institucion të nisë një hetim disiplinor për gjyqtaren e rrethit gjyqësor në Krujë, Enkelejda Hoxha. Një vendim i tillë ka ardhur si rezultat i ankesës së bërë nga Ministria e Drejtësisë për lirimin e shumë personave të dënuar me burg përjetë, mes tyre dhe Endrit Doklen, ish-numri dy i bandës së Durrësit. Këshilli i Lartë Gjyqësor ka përcjellë ankesën e paraqitur nga ana e Ministrisë së Drejtësisë pranë Inspektoratit të Lartë të Drejtësisë. Ankesa është regjistruar pranë zyrës së ILD me datë 25 shkurt të këtij viti. Në kuadër të shqyrtimit të ankesës së bërë nga Ministria e Drejtësisë rezulton se ankesa ka qenë korrekte dhe në këtë mënyrë ka nisur hetimi. Ministria e Drejtësisë në cilësinë e ankuesit ka parashtruar si rrethana faktin e shkeljes së disiplinës për lirimin me kusht të të dënuarit Endrit Dokle.

Ja vendimet që ka marrë Enkelejda Hoxha

Gjyqtarja e Krujës, e cila ende pa dalë në veting, Enkelejda Hoxha, liroi nga burgu Endrit Doklen, i dënuar me burgim të përjetshëm, si anëtar i bandës së Durrësit, i akuzuar për disa vrasje, plagosje dhe krime të tjera. Në të njëjtën mënyrë që gjyqtarja Hoxha, përdori për lirimin e Dokles, në nëntor të 2017-ës, ajo liroi Genc Tafilin, i përfshirë në vrasjen e kolonel Arben Zylyftarit. Tafili kishte kryer 17 vite burg, nga 25 që ishte dënuar. Një tjetër lirim që mban firmën e gjyqtares Hoxha, është edhe ai i Ilir Pajës, të cilit i kishte mbetur mbi një vit dënim. Paja njihet për disa nga arratisjet e tij në burgjet e Italisë dhe Gjermanisë. Paja u lirua disa ditë pas Tafilit.

Ja reagimi i Ministrisë së Drejtësisë

Por në lidhje me vendimin e gjyqtares së Krujës, Enkelejda Hoxha për lirimin e Endrit Dokles reagoi ashpër edhe Ministria e Drejtësisë. Pak kohë më parë, ministrja Gjonaj u shpreh se ka kërkuar pezullimin e gjyqtares Enkelejda Hoxha, si edhe i ka kërkuar prokurorisë ndjekje penale për të. Gjonaj theksoi gjithashtu se rasti i Hoxhës i ishte dërguar për verifikim Këshillit të Lartë të Drejtësisë dy vite më parë, pasi e njëjta gjyqtare firmosi asokohe lirimin nga qelia të Genc Tafilit, duke ndeshur heshtje dhe papërgjegjshmëri nga ana e këtij institucioni. "Shqetësimi ynë për gjyqtaren Enkelejda Hoxha është përçuar në 8 Janar 2018 pas lirimit të Genc Tafilit. I jam drejtuar Inspektoratit të Këshillit (KLD) duke ndeshur heshtje dhe papërgjegjshmëri. Është kryer një verifikim i vendimit të gjyqtares dhe fakteve publike. Nisur nga analiza e detajuar rezulton se gjyqtarja ka marrë vendim në kundërshtim të hapur me kriteret e lirimit me kush dhe Kodit Penal. Edhe pse Ministria e Drejtësisë nuk ka kompetenca në sistemin e drejtësisë, ndjejmë detyrimin për t'i adresuar aktorëve të tjerë për të vepruar në interes të qytetarëve. Në datën 15 janar i jam drejtuar KLGJ për pezullimin e saj dhe marrjen e masave për shkarkimin e saj nga detyra e gjyqtarit. I kam kërkuar prokurorisë ndjekjen penale të gjyqtares për parandalimin e veprimeve të tilla. I jam drejtuar KPK dhe OMN për ndjekjen e rastit”, tha Gjonaj pak kohë më parë.