Avokatët në Tiranë thyejnë grevën e Dhomës së Avokatisë, zhvillohen pesë seanca për masa sigurie në gjykatë, Vishaj shton kritikat ndaj kolegëve

Disa avokatë në Tiranë kanë thyer grevën e dhomës së avokatisë, duke zhvilluar disa nga masat e sigurisë në Gjykatën e Tiranës. Dje ishte parashikuar të zhvillohen pesë masa sigurie pas orës 10:30, ndërsa në lidhje me seancat e tjera është paraqitur kërkesë për shtyrje nga ana e avokatëve, në respekt të bojkotit. Rreth 2 mijë avokatë, prej disa javësh tashmë, kanë bojkotuar proceset në formë greve për të detyruar KLGJ-në që të reflektojë mbi hartën e re gjyqësore, për te cilën ne fakt KLGJ tanimë ka votuar për mbylljen e shumë gjykatave. Dhoma e Avokatisë, pretendon se “KLGJ ka injoruar dhe nuk ka marrë në konsideratë propozimet e tyre”. Nga ana tjetër, dje edhe kreu i Avokatëve Penalistë, Sajmir Vishaj ka reaguar kundër vendimit të Dhomës së Avokatisë për të bojkotuar seancat e masave të sigurisë për 10 ditë. Në reagimin e tij në rrjetet sociale, ai thotë se avokatët nuk mund të bëjnë pushime me lekët e klientëve pa bërë punë. Për këtë arsye fton që ditën e nesërme, pra sot, të paraqitet Shoqatën e Avokatëve Penalistëve të shkojnë në SPAK. “Plazh! E turpshme që avokatët po bëjnë plazh me "leket" e klientëve pa bëre punë sidomos për masat e sigurimit. Nuk mundet të rrinë në burg të pandehurit për fajin e Avokatëve. Nuk mundet një doktore të mos operojë një urgjencë  nga apandetisti. Nesër ftoj Shoqatën e Avokatëve Penalistë të Shqipërisë ora 08 para SPAK", shkroi Vishaj. Ndërkohë Shkodra vijon bojkotin e seancave gjyqësore. Në këto 5 ditë janë anuluar rreth 10 masa sigurie. Kryetari Anton Kosteri bëri me dije se një kolege ka thyer vendimin e Dhomës së Avokatisë, duke marrë pjesë në një seancë për masë sigurie. Për këtë arsye thotë se saj kanë nisur procedurat për penalizmin deri në heqjen e licencës. Kosteri thotë se nga ky bojkot, që shpreson që të reagojë qeveria, fatkeqësisht mund të përfitojnë persona me nivel kriminal  duke u liruar.