Avokati zbulon zhvillimet e fundit për hetimet e Ahmetajt

Avokati Gentian Rumano tha në emisionin “Review”, në Euronews Albania se mënyra se si kanë vazhduar hetimet për ish-zëvendës kryeministrit Ahmetaj është jo profesionale.

Sipas avokatit çështja për Ahmetajn është parashtruar në gjykatë pa u saktësuar më parë fakti penal.

“Vendimi gjyqësor i gjykatës në seancë paraprake vendosi ta kaloje çështjen në gjykim edhe me pretendimin se faktin penal duhet ta verifikojmë gjatë shqyrtimit gjyqësor. Kjo nuk është e lejuar ligjërisht. Ligji nuk ta lejon. Ndaj është bërë gjithë ky rregullim për kodin e procedurës penale për ta saktësuar këtë çështje në fazën e seancës paraprake. Në seancën paraprake kjo ka ndodhur në shumë procese, është shumë problem me disa prokurorë që parashtrojnë para gjykatës çështjen pa thënë se kush është fakti penal. Kjo është jo profesionale!”-tha avokati Gentian Rumano.