Basha mesazh “Trekëndëshit të Bermudës”: Absurde që flasin për bluzën time në vend që të flasin për listat e hapura, fakti që i ikin debatit do të thotë se kanë frikë nga vota e qytetarëve

Lulzim Basha është ndalur sërish dje në një takim me të rinjtë në Tiranë, ku ndër të tjera ka thënë se ka preferuar ti nisë takimet e tij pikërisht me të rinjtë, të cilët sipas tij, treguan se më 14 maj vota nuk blihet, gjë e treguan me braktisjen masive të votimeve. Por mes të tjerash zoti Basha, i cili është piktura nga partnerët ndërkombëtarë si e ardhmja e politikës shqiptare ka dhënë edhe disa mesazh për të ashtuquajturin, “Trekëndëshin e Bermudës”, Rama-Meta-Berisha: “Të krijojmë ortek qytetar të papërballueshëm për këtë grup politik, ta kuptojnë se është me vendimin e Gjykatës Kushtetuese, duhet t’i rikthehemi serish Kodit Zgjedhor. Duhet të kumbojë zëri i qytetarëve, të prirë nga rinia. Të bashkojmë vullnetet e qytetarëve kudo ku janë, në 2025-të kërkojmë lista të hapura. Duke filluar që sot. Edhe debatet politike, merren me gjithçka përveçse me tre propozimet. Djallëzitë politike të heqë mendjen e qytetarëve lidhur me temat që lidhen me fatet e njerëzve. Flasin për bluzën time në vend që të flasin për listat e hapura, për kufizim mandatesh dhe vetingun e politikanëve. Të mbajmë vëmendjen për çështje që janë me rendësi për njerëzit.  Debati sot është:  A jeni për listat e hapura? Po apo jo? A jeni për vetingun në politikë? Po apo jo? A jeni për kufizimin e mandateve? Po apo jo? A jeni për një President të Republikës kukull, apo për një President të Republikës me kompetenca të plota kushtetuese, siç ishte para 2008-ës, para se ju zotërinj ta asgjësonit? Po apo jo? Fakti që ikin debatit do të thotë se kanë frike. Duhet të imponojmë debat qytetar për problemet e qytetarëve. Të përbuzim skemat e tyre dhe tallavanë e tyre. 2025 nuk është afër, por as larg nuk është. Duhet të japim formë sot një bashkimi qytetarësh. Na bashkon halli i një demokracie të marrë peng. Të çlirojmë demokracinë. Të majtë dhe të djathte të bashkohemi, të çlirojmë votën e qytetarëve. Vota e qytetarëve është në kafaz prej 2008-ës.”.