Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Basha: Rama nuk shkëputet dot nga paratë e drogës, PD do vazhdojë të denoncojë politikën kriminale

Postuar: 12/08/2017 - 09:59

Kreu i Partisë Demokratike, Lulzim Basha, ka reaguar pas alarmit që ngriti shefi i Antimafias italiane, Franko Roberti, për rrezikun e drogës shqiptare në Itali. Lulzim Basha bëri përgjegjës direkt kryeministrin Edi Rama për këtë situatë. Ai akuzoi Ramën se nuk do të shkëputet kurrë nga droga, por do të vazhdojë të përdorë paratë e drogës për të fuqizuar pushtetin e tij personal dhe për të blerë e manipuluar opinionin publik.

Basha deklaroi se PD do të vazhdojë të luftojë pa kompromis politikën e drogës. Ai i bëri thirrje të gjithë opinionit publik që të reagojnë për këtë situatë. “Shefi i Antimafias Italiane, Franko Roberti, i ka rënë edhe një herë këmbanave të alarmit për rrezikun që droga shqiptare po i sjell Italisë, duke fuqizuar krimin e organizuar që ka çuar në përplasje mes grupeve rivale mafioze që kërkojnë kontrollin e rrugëve të drogës nga Shqipëria. Tashmë prodhimi kryesor i Shqipërisë, eksporti kryesor i Shqipërisë dhe marrëdhënia kryesore që Shqipëria ka me botën është droga. Droga shqiptare është tashmë kërcënim serioz për rendin në Itali dhe vend të tjera europiane.

Edi Rama nuk do të shkëputet kurrë nga droga, përkundrazi, do të vazhdojë të përdorë paratë e drogës për të fuqizuar pushtetin e tij personal dhe për të blerë e manipuluar opinionin publik”, shkruan Basha në Facebook. Ai thotë se duhet të bëhemi të gjithë bashkë për të ndalur situatën e drogës.

“Partia Demokratike prej katër vjetësh ka paralajmëruar për gjendjen dhe pasojat e pritshme të drogës, ka denoncuar politikanët dhe kriminelët e lidhur me drogën, ka ndërmarrë nisma ligjore kundër futjes në politikë të njerëzve të lidhur me drogën dhe krimin. Por përpjekjet e saj nuk mjaftojnë nëse media, shoqëria civile, intelektualët, biznesi dhe vetë qytetarët nuk reagojnë. Partia Demokratike do të vazhdojë të luftojë pa kompromis politikën e drogës, por është detyra e çdokujt që kërkon një shoqëri pa drogë dhe një të ardhme të sigurt të reagojë dhe veprojë për të krijuar së bashku një front kundër drogës dhe politikës së drogës”, thotë Basha.

 

/Agjensia e Lajmeve Sot News/

Na Beni Like Ne Facebook: 
Total votes: 15

Lajme nga e njejta kategori

Postuar: 21/02/2018 - 09:34

 Pas qëndrimit të Metës për negociatat me Greqinë, mediat e shtetit fqinj nuk kanë ngurruar të kritikojnë deklaratat e tij, duke u shprehur se ai po bllokon bisedimet. “Presidenti i Shqipërisë po bllokon bisedimet dhe vë pengesa në bisedimet mes dy vendeve”- thuhet në mediat greke.

Postuar: 21/02/2018 - 07:44

Ministri i Infrastrukturës dhe Energjisë, Damian Gjiknuri dhe përfaqësuesi i kompanisë SHELL, Jon-Henk van Konijnenburg firmosën dje marrëveshjen hidrokarbure për kërkim nafte n

Postuar: 21/02/2018 - 07:42

I sh-kryeministri Sali Berisha ka shitur dje ish-kryeprokurorin Adriatik Llalla.

Postuar: 21/02/2018 - 07:38

Kryeministri Edi Rama ka sqaruar dje idenë e Presidentit të përbashkët mes Shqipërisë dhe Kosovës.

Postuar: 21/02/2018 - 07:36

Komisioni i Ligjeve miratoi projektligjin për vetingun në polici.

Postuar: 21/02/2018 - 07:34

Pas përplasjeve në Kukës mes deputetes Mimi Kodheli dhe Safet Gjicit, kryeministri Edi Rama ka vendosur të reformojë një sërë degësh të Partisë Socialiste në rrethe.