Baton Haxhiu agjent i Beogradit në Tiranë, këshilltari i Edi Ramës luan lojën e Vuçiçit kundër Kosovës, faktin e konfirmon analisti serb

Përflitej gjithmonë, si në Kosovë, por edhe në Shqipëri se analisti i njohur dhe këshilltari mediatik i kryeministrit Rama, Baton Haxhiu është agjent i Beogradit në Tiranë, por asnjëherë nuk ishte vërtetuar kurrë zyrtarisht. Në mesin e tensioneve mes Kosovës dhe Serbisë për qeverisjen e Mitrovicës së Veriut, një deklaratë e fortë vjen nga mediat serbe. Duke komentuar zhvillimet politike, analisti Dushan Janiç ka thënë së fundmi me siguri të plotë se informacionet për Kosovën, Beogradi zyrtar i ka marr nga Baton Haxhiu. Madje ata citojnë edhe portalin që Baton Haxhiu ka në pronësi në Shqipëri, "Albania Post", si një portal informimi për serbët se çfarë ndodh me ndikimin e tyre në Kosovë dhe Shqipëri. Analisti flet me siguri dhe më fjalë miqësore duke pranuar se Baton Haxhiu është me një fjalë spiuni i tyre për shqiptarët. “E dua Haxhiun”, është shprehur Janjic me ironi ndërsa komentonte Baton Haxhiun dhe portalin e tij Albanian Post, si një instrument propagandistik në gjuhën shqipe, që sipas tij përcjell politikat dhe planet e Beogradit. “Haxhiu ka qenë gjithmonë lajmëtari i besuar i Beogradit. U kërkoj falje, e dua Haxhiun. Ndonjëherë jap deklarata që të më shohin këta nga Beogradi nëpërmjet Albania Post”, tha ndër të tjera analisti.

Vërtetohen akuzat e Albin Kurtit

Analisti serb vërteton akuzat e Kurtit, por nxjerr zbuluar dhe sulmet e tij të paguara nga Beogradi, pasi Baton Haxhiu është një ndër kundërshtarët më të mëdhenj të Albin Kurtit, i cili ka sulmuar vazhdimisht gjithë këto vite dhe ka qenë gjithmonë në anën e kundërt të kryeministrit të Kosovës duke e sulmuar pothuajse çdo veprim të tij. Ka qenë Albin Kurti që me gojën e tij artikuloi kohë më parë se  Batoni ka lidhje me eksponentë të caktuar të Shërbimit Shtetëror të Serbisë, por nga ana tjetër ka edhe ndikim të madh në Tiranë. Ai e quajti Batonin si ndërmjetësuesin e Beogradit në Tiranë.  Kur është pyetur Kurti se çfarë qëndrimi ka Rama në marrëveshjen mes Kosovës dhe Serbisë, kryeministri kosovar ka thënë: Ndërmjet Thaçit dhe Vuçiçit ndërmjetësues është Baton Haxhiu, i cili dikur ishte ndërmjetësues mes Mahmut Bakallit dhe shefit të Shërbimit Informativ Shtetëror Ivica Stanishiç. Ky person ka një fuqi edhe mbi kryeministrin e Shqipërisë, e të them të drejtën nuk e di pse. Më është dukur enigmë, por kur një enigmë zgjatet shumë bëhet mister. Ky person kaq i urryer në Kosovë të ketë ndikim kaq të madh në Kosovë, që të vinte puna që nëpërmjet Kosovës të kishte ndikim Beogradi në Tiranë, këtë kurrë se kisha menduar” tha Kurti. Gjithashtu kryeministri i Kosovës tha në atë periudhë se ministrat kosovarë që emëroi Rama në qeverinë e tij, i caktoi Baton Haxhiu. “Ne e kemi shpjeguar me një komunikatë qëndrimin mbi një ish-anëtarin e partisë sonë. Gent Cakaj nuk është ministër as i Kosovës ai i Shqipërisë, as ministër i Edi Ramës. Ai është ministër i Baton Haxhiut. Problem nuk është Gent Cakaj, por Baton Haxhiu, për qeverisjen problem është Ivica Stanishiç pjesë e shërbimeve sekrete të Beogradit”, është shprehur lideri i Kosovës në atë kohë.

Këshilltari i Ramës luan lojën e Vuçiçit

Në tensione te fundit në Veri, Baton Haxhiu, kryeministri Rama dhe presidenti serb Aleksandër Vuçiç kanë të njëjtën linjë. Të tre personazhet bëjnë fajtor kryeministrin  Albin Kurtin. Reagimet e tyre janë njësoj me fjalët e Vuçiç. Ky i fundit tha se po vjen situata më e vështirë në Kosovë dhe kjo falë veprimeve provokuese dhe sjelljes tmerrësisht të papërgjegjshme të Albin Kurtit.