BE me dorë të hekurt, sanksionon ministra, gjyqtarë dhe oficerë iranianë, ja detajet

Bashkimi Evropian sanksionoi dy ministra të qeverisë iraniane për shkelje të të drejtave të njeriut, në sanksionet e reja të botuara në Gazetën Zyrtare të BE-së, një regjistër ligjor për rregulloret e BE-së. Ministri iranian i Kulturës, Mohammad Mehdi Esmaeili dhe Yousef Nouri, ministri i Arsimit, u përfshinë në mesin e 32 personave të rinj të shënjestruar me ndalimin e udhëtimit në BE dhe ngrirjen e aseteve. Shumë ligjvënës, gjyqtarë, prokurorë dhe oficerë burgu iranianë u shtuan për rolin e tyre në shtypjen e regjimit të Teheranit ndaj demonstruesve antiqeveritarë. Sipas sanksioneve të BE-së, u përfshi edhe drejtoresha e një burgu grash, e njohur për torturat, sulmet seksuale dhe vrasjet jashtëgjyqësore, ku mbahen shumë protestuese të ndaluara gjatë demonstratave. Ministrat e Jashtëm të BE-së miratuan sanksionet, ndërsa demonstruesit nga diaspora iraniane protestuan në Bruksel kundër regjimit të Teheranit.