Befason gazetari Robert Papa: Ambasada e SHBA mbështet protestën e Berishës, raportet e DASH për Ramën janë denigruese

Gazetari Robert Papa e konsideron protestën e sotme të thirrur nga ish-kryeministri Sali Berisha si moment vendimtar për opozitë, qeverinë dhe qytetarët. Në një studio televizive, Papa beson se kryeministri Rama e ka pozicionuar vendin tonë kundër SHBA për faktin se nuk mori pjesë në festën e Pavarësisë së SHBA në 4 korrik. Sipas tij, Berisha ka ngjallur shpresën te shqiptarët me qëndrimin e tij dhe u bëri thirrje që çdokush që nuk ndihet i trajtuar mirë të marrë pjesë në protestën e sotme “Është momenti deçiziv për opozitën dhe qeverinë. Rama nuk ka marrë pjesë në festimet e 4 korrikut, duke e pozicionuar vendin tonë në pozicionin anti amerikan. Berisha ka 1 vit që ka ringjallur shpresën nga kampi. Te Berisha shohin dikë që nuk i shet protestat dhe që nuk bën pazare si Basha. Çdo shqiptar që nuk ndihet mirë duhet të dalë të protestojë. Por pensionistët, mësuesit nuk ndihen mirë. Inflacioni është i madh. Të tregojnë që janë aty janë gjallë janë kundra dhe nuk pranojnë një njeri të mbajë peng vendin”, deklaroi fillimisht Papa. Ai u bëri dje thirrje forcave të policisë që të mos provokojnë qytetarët ditën e sotme. “Me çfarë pashë, do të jetë një protestë qytetare, nuk është demonstratë. Varet nga reagimi. Iu bë një propozim, ata policë do të jenë të filmuar. Të mos vendosin gjoba pasi gjerat do të ndryshojnë. Mbaj mend në 1990 thuhej policia është me ne. Dhe policët  vihen në pozicion të vështirë, por ata vuajnë vetë dhe nga ana tjetër janë njerëzit e tyre”, gazetari Robert Papa. Pavarësisht se SHBA e ka shpallur ish-liderin historik të demokratëve “non grata”, Papa është i bindur se fakti që ambasada në vendin tonë nuk është shprehur për protestën e sotme të opozitës, do të thotë se mbështet Berishën. Ai theksoi se Uashingtoni është i pakënaqur me mënyrën si qeveris e po sillet Rama. “Është një lloj protokolli: nëse kanë informacion që mund të ketë dhunë, ambasada nuk del. Fakti që s’ka dalë, ka të bëjë me mosvajtjen e Ramës në 4 korrik dhe n.q.s. se ajo nuk del, do të thotë  që ajo haptaz mbështet Berishën dhe protestën që ai bën. Kabllot prej kohësh nga Tirana në Uashington janë denigrues për Ramën. Amerikanët nuk falin”, përfundoi gazetari Robert Papa.