Berisha ankim në Kolegjin Zgjedhor, Frrok Çupi zbardh prapaskenat dhe zbulon se çfarë pritet të ndodhë me PD-në

Analisti Frrok Çupi thotë se Kolegji Zgjedhor do e rrëzojë ankimin e Sali Berishës, në lidhje me regjistrimin në zgjedhjet lokale të 14 majit.

Në një intervistë televizive, Çupi u shpreh se Kolegji Zgjedhor do të marrë të njëjtin vendim si KAS-i dhe KQZ-ja.

“Këto janë disa veprime të kalkuluara në bazë të ligjit prej kohësh. Madje, janë kalkuluar edhe në publik, edhe në analizën politike që është bërë. Është e pamundur që të jetë ndryshe nga vendimi i KAS-it dhe KQZ-së. Vendimi i Gjykatës së Apelit që zhvillohet nesër, nuk pritet të sjellë asgjë të re, përveçse asaj që është parë deri tani. Ai vendim nuk do të ketë asnjë efekt mbi atë që do të bëjë grupimi i Foltores.

Do shikojmë të njëjtin trend, hap, direksion, që do të jetë drejt zgjedhjeve, pavarësisht se kam apo nuk kam vulë, kam emër apo nuk kam emër. Nuk është parë që një grupim, pa pasur asnjë të derejtë ligjore, të tentojë të bëjë ligj. Më duket se jemi në një situatë parapolitike, ku vendos vullneti personal mbi ligjin që është miratuar në mënyrë sovrane prej ligjvënësve”, theksoi ai.