Berisha sulmon SPAK dhe i bën thirrje të hetojë Ramën, akuzon kryeministrin shqiptar se korruptoi FBI dhe tentoi të vras opozitën

Ish-kryeministri Sali Berisha ka sulmuar sërish dje Prokurorinë e Posaçme Anti-korrupsion. Përmes një postimi në “Facebook”, në të cilin ndalet tek çështja e agjentit të FBI-së, Charles McGonigal. Berisha sulmon SPAK duke pyetur nëse është gjallë apo jo, pasi sipas tij Rama ka arritur të korruptojë zyrtarin e FBI-së për të ‘vrarë’ opozitën dhe ka minuar demokracinë, por ‘SKAP’, siç ai e quan ende nuk ka nisur një hetim për kryeministrin. “Korruptoi FBI-në, tentoi të vras opozitën dhe minoi demokracinë. A është gjallë SPAK? Jo, jo është Skap”, shkruan Berisha. Ndërkohë, teksa ka folur për skandalin McGonigal, ai theksoi se McGonigal u thoshte biznesmenëve shqiptarë që i dërguar i SHBA për Ballkanin, Gabriel Esobar, i kishte dorëzuar atij një liste të biznesmenëve që do i sanksiononte. Këtë listë, sipas tij, McGonigal ia ka dhënë Lulzim Basha, për të sanksionuar biznesmenët që mbështesin ‘Foltoren’. Në skemë, fut edhe Edi Rama dhe ambasadoren Yuri Kim, prandaj i bën thirrje SHBA-së dhe FBI të hetojë këtë dyshe në skemën e mashtrimit. “Çështja McGonigal nuk përfshin vetëm atë. Thirrje kongresit të SHBA dhe FBI të hetojnë rolin e Edi Ramës në skemën e gjobvënies. McGonigal u thoshte të tjerëve se zoti Escobar më ka dorëzuar listën e biznesmenëve që do sanksionohen. Ishte skemë në të cilën Rama po fuste në dorë, në skllavërim të plotë biznesmenët me lista të dorëzuara nga Basha. I bëj thirrje SHBA dhe FBI të hetojë rolin e Edi Ramës në këtë gjobëvënie, të hetojë rolin e Yuri Kim. Kim thërriste një e nga një biznesmenët në zyrë, pse financoni Foltoren se do ju sanksionojë. A ishte kjo një skemë që të paguanin gjobat te McGonigal. Kjo ishte një skenë në të cilën Rama po fuste në dorë në skllavërim të plotë, biznesmenë me lista, kësaj radhe të dorëzuar nga Lulzim Basha. A ju kujtohet kur në TV fliste për 150 të sanksionuar, kjo ishte bëhuni klientë të McGonigal”, nënvizoi Berisha.