“Berishën nuk e llogaris fare”/ Flet nga SHBA eksperti i njohur: Ilir Meta ka prishur balancat politike! Ai ka...

Ish-pedagogu i Inxhinierisë që jeton në SHBA, Bardhyl Reso u shpreh mbrëmjen e djeshëm në emisionin ‘Shqip’ se Meta kishte shkatërruar institucionin e Presidencës, kurse Berisha e përqendroi gjithë fuqinë në duart e tij ndaj nuk e llogariste aspak si president.

“Nuk është problemi është i PS apo i PD por duhet të jetë një njeri që të ketë dhënë prova që ai mund të jetë një person që mund të dali mbi palët. Një person që t’i japi një drejtim tjetër zhvillimit politik në Shqipëri. Ilir Meta ka bërë të kundërtën e kësaj me veprimet e tij, ka çuar në prishjen e balancave politike dhe grindjen e partive politike. Mori funksione që e tejkalonin Kushtetutën. Berishën e kam nxjerrë fare nga lista e presidentëve që kemi pasur pasi ai nuk ishte president por ishte president, kryeministër dhe kryetar i partisë. Berisha bën përjashtim, çdo gjë në kohën e tij vinte nga presidenca, vendoste për gjithçka”, u shpreh Reso.