Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Betimi i qeverisë tek Meta, reagon LSI: Ja ç'kërkon BE, dhe ja ç'premton qeveria

Postuar: 13/09/2017 - 18:59

Pas dekretimit të qeverisë së re nga presidenti Ilir Meta ka ardhur edhe reagimi i LSI. Me anë të një statusi në “Facebook” nënkryetari i LSI-së Luan Rama thekson se është injorancë që qeveria premton shtetin ligjor.

Luan Rama shton se “të flasësh sot pas 27 vitesh demokraci pluraliste per shtet ligjor, do të thotë të mos kesh kuptuar e të mos kesh marrë vesh asgjë për kushtin e parë të tërë procesit të integrimit europian dhe që është shteti i së drejtës!”

MESAZHI I LUAN RAMËS
BE kërkon shtetin e së drejtës, Qeveria premton shtetin ligjor! Çfarë injorance!
“Shteti ligjor dhe drejtësia e re!
Kështu emërtohet një prej kapitujve të programit të qeverisë! Më falni, po shprehje më alarmante të injorancës nuk mund të ketë! Të flasësh sot pas 27 vitesh demokraci pluraliste per shtet ligjor, do të thotë të mos kesh kuptuar e të mos kesh marrë vesh asgjë për kushtin e parë të tërë procesit të integrimit europian dhe që është shteti i së drejtës!
Shteti ligjor dhe shteti i së drejtës janë dy koncepte që bëjnë diferencën mes shtetit demokratik nga sistemet e tjerë të organizimit shtetëror.
Diferencat janë thelbësore. Më ndjeni për tonet didaktike, por ka dallime esenciale dhe përmbajtësore mes shtetit të së drejtës në kuptimin euroatlantik, të cilit une po i referohem dhe shtetit ligjor për të cilin flet programi i qeverisë!
Sepse shtet ligjor ka qenë edhe shteti që ndërtoi Zogu, shtet ligjor ishte Shqipëria edhe në ato 6 muajt e qeverisjes se Nolit, shtet ligjor ishte edhe në kohën e fashizmit, edhe gjatë komunizmit, shtet ligjor ka qënë edhe Shqipëria postkomuniste, por nuk ka qenë e për fat të keq nuk është as sot shtet i së drejtës!

Edhe ju në sloganin tuaj zoti Kryeministër ju flisni vetëm për shtetndërtim, e jo për shtet të së drejtës!
Ju na flisni për mirëqeverisje, po mirëqeverisje pa idealin e shtetit të së drejtës nuk ka e nuk mund të ketë!
Por le të ecim më tej me thagmat e programit tuaj. Bashkë me shtetin ligjor në vend të shtetit të së drejtës, ju na servirni edhe togjalëshin “drejtësi e re”!
Eshtë një togfjalësh i huazuar mbi 70 vjet më parë, në kohën kur hidheshin themelet e Shqipërisë së re. Në vitin 1946, pas shpalljes së Republikës Popullore të Shqipërisë, në vigjilje të gjyqit kundër deputetëve e më pas, mori qytetari koncepti “drejtësia e re popullore”.
Nuk ka drejtësi të vjetër e as drejtësi të re. Qysh prej Justinianit e deri në ditët tona, drejtësia ka qenë e ka mbetur drejtësi.
Ndoshta dikush mund të thotë se në programin e qeverisë “drejtësia e re” është një metaforë! Pa dashur t’ju marr kohë e t’ju shpegoj çfarë është metafora, në kontekstin që është përdorur në programin e qeverisë togfjalëshi “drejtësi e re” është metaforë injorance!
Dikush tjetër mund të thotë që lidhet me reformën në drejtësi e me vetingun! Edhe në këtë kontekst, sado që programi i qeverisë për reformën në drejtësi ka vetëm fjali të përgjithshme per demagogji, “drejtësia e re” është ajo që thashë: metaforë e injorancës!

 

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 16/01/2018 - 19:19

Kreu i Partisë për Drejtësi, Integrim dhe Unitet, Shpëtim Idrizi që nuk arriti të siguronte mandatin e deputetit në zgjedhjet e 25 qershorit, flet për kulisa politikë që sipas tij, kanë për qëllim të zhdukin faktorin politik të Çamërisë, në një kohë që siç tha ai, vetëm me votat e çamëve mund të ishin zgje

Postuar: 16/01/2018 - 17:59

Një nga kritikët e tij i cili u la jashtë listët së kandidatëve për zgjedhjet e 25 qershorit Astrit Patozi ka ironizuar sërish kreun e opozitës Lulzim Basha në rrjetin e tij soc

Postuar: 16/01/2018 - 17:05

Vrasjen e Oliver Ivanoviç, ish-kryeministri Berisha e ka konsideruar si një akt të rëndë me prapavija politike.

Postuar: 16/01/2018 - 16:39

Kreu i grupit parlamentar të Lëvizjes Socialiste për Integrim, Petrit Vasili në një koment në rrjetin social “Facebook”, e konsideron të vdekur Reformën në Drej

Postuar: 16/01/2018 - 15:43

Ish-kryetarja e Parlamentit, Jozefina Topalli në një intervistë në Report Tv, komenton zhvillimet në kampin opozitar, ndërsa zbulon edhe projektet e saj.

Postuar: 16/01/2018 - 15:20

Kreu i PD-së Lulzim Basha ka dënuar vrasjen e ndodhur mëngjesin e sotëm në Mitrovicë, ku u qëllua për vdekje Oliver Ivanoviç.  

Postuar: 16/01/2018 - 14:48

 Sekretari i Përgjithshëm i Partisë Demokratike, Arben Ristani ka kritikuar hapur sistemin e drejtësisë duke u shprehur, se lëvjet në prokurori janë thjesht ndryshime të kl