Borrell i 'tërheq veshin'/ Rama bën hapa pas dhe heq dorë nga pasaportat e arta: Do presim vendimin e...

Në një konferencë për mediat me përfaqësuesin e lartë të BE-së Borrel dhe kryekomisionerin Europian Varhelyi, kryeministri Rama deklaroi se qeveria është tërhequr nga pasaportat e arta. Ai tha se nuk do të merret asnjë vendim derisa të vendosë gjykata europiane për ketë çështje.

“Kemi pezulluar procesin për pasaportat e arta deri kur të sqarohet në nivel europian qëndrimi. Ne nuk e shpikëm këtë, e morëm nga vendet e BE-së. Ne nuk do ta nxjerrim këtë çështjes në tavolinë pa parë si vendos Gjykata Europiane. Nësë gjykata vendos kundër kjo temë nuk do hapet me, nëse vendos pro secili vend të bëjë punën e vet
Kemi folur për amnistinë fiskale, qëndrimi ynë është i ditur. E vlerësojmë shumë angazhimin e Komisionit për ekspertizë, duam të vazhdojmë punën me ekspertët. Ne nuk heqim dorë thjesht sepse kjo nuk është gjë e mirë në pari sepse kemi arsyet tona për të menduar se kjo është gjëja e duhur për Shqipërinë, por duam ta bëjmë së bashku, ndaj falënderim për ekspertizën dhe duam t’i shkojmë deri në fund procesit”-tha Rama.