Lajme të tjera
BREAKING NEWS

Furtunë shkarkimesh në administratë, Rama kërkon nga drejtuesit në qarqe lista me emrat e drejtorëve dështakë, ikin 20 emrat e parë në Tiranë

Furtunë shkarkimesh në administratë, Rama kërkon nga
x

Politike

Bota ende në kolaps nga Covid-19, OBSH dështim total me menaxhimin e situatës, flirte të vazhdueshme me Kinën

Bota ende në kolaps nga Covid-19, OBSH dështim total me menaxhimin e

Në muajin dhjetor të vitit 2018, bota u godit nga virusi Covid-19, i cili fillimisht u shfaq në Kinë, në qytetin e Huanit. Që prej dhjetorit e deri tani, virusi është përhapur në të gjithë botën, ku ka lënë pas shumë viktima si dhe vijon të infektojnë me mijëra njerëz kudo nëpër botë. Por që prej momentit të shfaqjes e deri tani nuk kanë munguar as dyshimet për këtë virus, ku të shumta kanë qenë teoritë konspirative për krijimin e tij, si dhe për axhendën që fshihet pas kësaj pandemie. Përpos teorive konspirative që konsistojnë në shpërthimin e virusit, dyshime ka pasur edhe për manipulim të shifrave apo edhe për terror të përhapur nga qeveritë dhe nga Organizata Botërore e Shëndetësisë. Kjo e fundit ka qenë në qendër të sulmeve gjatë kësaj periudhe, pasi së pari në deklaratat e saj, OBSH ka qenë konfuze për një sërë çështjes me rëndësi për Covid-19, si dhe ka përhapur panik në mënyrë të vazhdueshme, duke thënë se virusi do të shfaqet më i egër dhe do të marrë më shumë jetë njerëzisht. Këto deklarata janë hedhur poshtë nga ekspertë të shëndetësisë dhe fitues të çmimit Nobel në Mjekësi, të cilët kanë deklaruar të kundërtën, duke thënë se virusi ekziston pa dyshim, por niveli i tij vdekjeprurës nuk është aq i lartë, si dhe kanë theksuar se nuk ka vend për panik.

OBSH dhe mbështetja ndaj Kinës

 Një artikull i “The quint” me titull “Pse OBSH mund të jetë pjesërisht fajtore për pandeminë globale të koronavirusit”, ngre dyshime mbi OBSH-në dhe axhendën që ajo ka ndjekur gjatë periudhës së pandeminë, duke thënë se ka ndihmuar Kinën. “Organizata Botërore e Shëndetit (OBSH), e themeluar për të zvogëluar rreziqet shëndetësore për të gjithë, po përballet me kritika ndërkombëtare për trajtimin e saj të shpërthimit të COVID-19. Drejtori i Përgjithshëm i OBSH-së, Dr Tedros Adhanom Ghebreyesus, është akuzuar për përcjelljen e interesit të Kinës në vend që të sigurojë kontrollimin e virusit përmes procedurave të ndërgjegjësimit. Deri atëherë, tashmë ka rreth 118.332 raste të konfirmuara globalisht dhe afërisht 4, 292 vdekje”, thekson artikulli. Më tej autori sjell në vëmendje një deklaratë të kreut të OBSH, Dr Tedros Adhanom Ghebreyesus, ku shprehej se pandemia nuk është fjalë për ta përdorur lehtë ose pa kujdes. “Është një fjalë që, nëse keqpërdoret, mund të shkaktojë frikë të paarsyeshme, ose pranim të pajustifikuar se lufta ka mbaruar, duke çuar në vuajtje dhe vdekje të panevojshme”, tha Dr Tedros në një konferencë për media pak kohë më parë. Më tej artikulli thekson faktin se, dy ditë para se të bënte këtë deklaratë, Dr Tedros duartrokiti përpjekjet e Kinës për të përmirësuar shpërthimin dhe vlerësoi udhëheqjen e saj për transparencën dhe gatishmërinë për të shkëmbyer informacione me vendet e tjera. “Falënderimet ishin përkundër raporteve të shumta për zyrtarët e Partisë Komuniste të Kinës që shtypnin informacionin në lidhje me një shpërthim të një virusi të ri SAR-si, duke shkatërruar prova dhe duke mohuar prova të transmetimit të komunitetit. Dr Tedros, në të vërtetë, madje e lavdëroi Kinën në Konferencën e Sigurisë së Mynihut më 20 shkurt 2020, për blerjen e kohës botërore për të luftuar sëmundjen. Deri në 20 shkurt, virusi tashmë kishte krijuar kaos në Kinë, dhe po përhapej me shpejtësi në pjesë të Azisë, Europës, Australisë dhe Amerikës së Veriut”, thekson artikulli i “The quint”.

Më të lexuarat