"Budallaqe"/ Tensionohet situata në Kuvend, drejtuesja e seancës urdhëron deputetin: Dilni menjëherë jashtë

Spiropali e ka akuzuar Berishën se për interesa personale djeg partinë si dhe Shqipërinë. Ndërkohë Berisha e ka akuzuar Spiropalin se familjarët e saj po marrin para nga tenderat.

Pasi drejtuesja e seancës Ermonela Felaj i ka dhënë fjalën për procedurë Spiropalit, Berisha nuk ka ikur nga Foltorja. Në krah të tij ka reaguar deputeti i PD Edi Paloka. Ndërsa Felaj i ka kërkuar Berishës të mos flasë.

Paloka ka përdorur fjalë jo të duhur në sallën e Kuvendit, si “budallaqe” apo “legen”. Pas këtij incidenti Ermonela Felaj ka kërkuar edhe largimin e Sali Berishë nga salla.

Drejtuesja e seancës Ermonela Felaj iu ka drejtuar me tone të larta deputetit Edi Paloku, ku u shpreh se të duhet të lërë menjëherë seancën plenare dhe të largohet.

Felaj deklaroi se duhet të respektohet kodi i etikës.

Pjesë nga debati:

Edi Paloka: Për procedurë është kjo, ia hoqe fjalën atij dhe ia dhe kësaj, po përse procedurë është kjo

Çfarë ke që ulërin nga vendi, pse ulërin

Edi Paloka: Budallaqe, legena jeni!

Pse ulërin nga vendi? Boll u hakërreve, meritoni masë për fjalën që thatë në Kuvendin e Shqipërisë, nuk fyeni dot njeri. Dil nga seanca.