BREAKING NEWS

Meta i përgjigjet ultimatumit të Gramoz Ruçit/ Presidenti propozon emrin e radhës për kreun e KLSH, kush është pedagogu i njohur i Drejtësisë

Meta i përgjigjet ultimatumit të Gramoz Ruçit/ Presidenti
x

Politike

Çfarë do të ndodhë me vetting-un e politikanëve? Deputeti demokrat rendit 5 parimet kryesore të këtij procesi

Çfarë do të ndodhë me vetting-un e politikanëve?

Deputetët e Partisë Demokratike, Oerd Bylykbashi dhe Enkelejd Alibeaj kanë deklaruar në mbledhjen e përbashkët të Komisionit të Ligjeve dhe Këshillit të Legjislacionit, se procesi i vetting-ut në politik duhet të fillojë me mendimin e Kushtetutës dhe më pas të miratohet ligji për të përcaktuar detajet.

“Ajo që në kemi propozuar është amendimi i Kushtetutës për të sanksionuar vetting-un politik. Pastaj duhet një ligj për të përcaktuar detajet si do realizohet vetingu. Me miratimin e amendimit kushtetues ne do i paraqesim Kuvendit propozimin tonë ligjor si do bëhet vetting-u”, u shpreh Bylykbashi.

Deputeti demokrat renditi edhe parimet kryesore të këtij procesi:

  1. Do të jetë një proces krejtësisht i pavarur dhe i palidhur dhe i pandikuar nga vetingu i drejtësisë.

  2. Do të jetë një model shumë më i thjeshtë dhe i qartë, afër modelit që u përdor për dekriminalizimin.

  3. Do të kryhet nga një strukturë profesionistësh krejtësisht të pavarur nga politika.

  4. Nuk mund të jetë kurrsesi një strukturë parlamentare dhe aq më pak një strukturë e përbërë nga përfaqësues partiakë: do ishte absurde dhe tallëse: politikanët do të jenë subjekt i vetingut dhe jo zbatues të vetingut.

  5. Do të ketë mbikëqyrje ndërkombëtare.

Deputetët e PD-së theksuan se propozimi është fare i thjeshtë: vetting me të njëjtin formulim ligjor si për prokurorët, gjykatësit dhe policët.

“Trajtim special për politikanët nuk mund të ketë më! Ky shtet do mesojë t’i trajtojë të gjithë njësoj: si policin e thjeshtë, si ministrin e Brendshëm! Ky është parimi që kemi në Kushtetutë! Ky është parimi i Europës ku duam të bëjmë pjesë”, tha Bylykbashi.

Më të lexuarat