Dalin sheshit me VIDEO/ Hackerat futen tek posta e Edi Ramës, i marrin 985 e-maile. Punonjësit e administratës i ankohen për eprorët e tyre. Zbardhen faktet

Grupimi i quajtur 'Homeland Justice', ka publikuar në faqen saj të regjistruar në Rusi qindra materiale të cilat sipas tyre janë marrë nga emaili zyrtar i kryeministrit Edi Rama.

Denoncimet e shumta të qytetarëve nuk janë të vetmet që bien në sy, pasi janë edhe vetë punonjësit e administratës që i ankohen Kryeministrit për eprorët e tyre duke e paralajmëruar për kapje institucionesh apo tendera të cilët janë favorizuar.

Një prej tyre mban datë 26 tetor 2021. Komisar Lefter Bardhosh Shehu, i cili thotë se është oficer në policinë e burgjeve dhe me detyrë në burgun e Vlorës ankohet për drejtorin e tij Engjellush Avdulaj për një sërë problematikash.
 
Më poshtë kemi edhe me video ankesën e komisarit që i ka drejtuar kryeministrit Edi Rama.

Vetë "Homeland Justice" pretendon se ka 985 mesazhe që Rama ka marrë në postën e tij elektronike. Madje dhe i kanë bërë të shkarkueshme për të gjithë. Një sasi e madhe e-mailesh që janë dërguar në adresë të kryeministrit Edi Rama janë bërë publike nga grupi i hakerave që sulmoi serverat e shtetit shqiptar disa ditë më parë. Në dokumentin që mund të shkarkohet nga të gjithë gjenden me mijëra dokumente, komunikime të kryeministrit, ankesa të qytetarëve, zyrtareve, biznesmenëve për procedura të shumta të lidhura me qeverinë, ftesa evenimentesh, lista projektesh, etj.