Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Debati për Teatrin Kombëtar/ Basha thirrje Metës nga SHBA: Mos e dekreto ligjin!

Postuar: 12/07/2018 - 18:54

Kryetari i opozitës Lulzim Basha, gjatë vizitës së tij në Shtetet e Bashkuara ka dhënë një intervistë për Zërin e Amerikës, ku është ndalur tek çështja e Teatrit Kombëtar.

Basha ka deklaruar se Rama po kërkon që të shembë teatrin me qëllim që aty të ndërtojë kulla shumë-katëshe me qëllim përfitimi personal.

I pyetur nga gazetarja se çfarë do të bëjë opozita për të ndalur shembjen e teatrit, Basha tha se do ta kundërshtojnë fort, ndërsa i bëri thirrje presidentit Ilir Meta, që të mos e dekretojë ligjin.

Pjesë nga intervista:

Zëri i Amerikës: Një tjetër çështje e nxehtë javët e fundit në Shqipëri është edhe çështja e Teatrit Kombëtar. Shumica përdori numrat që ka në parlament dhe e votoi ligjin. Ju jeni shprehur se do ta bllokoni. Si mund ta bllokoni ju ligjin, kur Partia Socialiste i ka kartonat në parlament?

Lulzim Basha: Ne nuk kemi mundësi të bllokojmë ligjin dhe këtë ua kemi bërë të qartë artistëve, qytetarëve dhe gjithë faktorëve shoqërorë të shqetësuar nga gjithë kjo aferë e tmerrshme korruptive. Çfarë po ndodh? Edi Rama ka një plan thuajse 20 vjeçar për të ndërtuar kulla në këtë zonë, që është në zemër të qytetit, është praktikisht prapa monumentit të Skënderbeut, është në mesin e sheshit të ministrive. Ai ka më shumë se një vit që harton një plan, i cili mbahet i fshehtë për të ndërtuar 6 kulla në zonën e Teatrit, e për këtë qëllim duhet grabitur Teatri, duhen grabitur afro 8 mijë metër katrorë tokë publike, nga të cilat afro 5 mijë i takojnë Teatrit. Kjo grabitje bëhet përmes një kompanie, e cila është pronare apo ka blerë 280 metër katrorë. Me 280 metër katrorë që ka në pronësi kjo kompani, tani bëhet një ligj special në emër të kësaj kompanie për t’i dhënë edhe 8 mijë metra të tjerë nga toka publike. Pra, është një aferë e pastër korruptive, për të bërë qindra milionë euro me ndërtimin e këtyre 6 kullave. Është një projekt betonizimi dhe po ashtu, është një projekt i pastrimit të parave të pista.

Zëri i Amerikës: Dhe, cila është strategjia juaj për t’iu kundërvënë këtij projekti?

Lulzim Basha: Strategjia jonë është ajo që kemi ndjekur deri sot; kundërshtimi ligjor në komisione dhe seancë parlamentare, thirrja që i kemi bërë presidentit për të mos e dekretuar ligjin, vazhdimi i kundërshtimit tonë në kuptimin e institucioneve ligjore, është thirrja që i kemi bërë faktorit ndërkombëtar, në veçanti ambasadorëve, që të reagojnë ndaj këtij akti të paprecedent korruptiv; një ligj special për të grabitur tokë publike dhe për të ndërtuar kulla e për të pastruar paratë e drogës e të krimit. Natyrisht është mbështetja me të gjitha format dhe mënyrat e protestës së artistëve dhe të qytetarëve, pasi ndodhemi para një akti të rëndë kriminal dhe para një vepre të rëndë anti-kushtetuese, para një atentati ndaj Kushtetutës. Pse? Në mungesë të Gjykatës Kushtetuese, ky ligj nuk është gjë tjetër veçse një ligjërim i vjedhjes, një akt që legjitimon vjedhjen. Pra, vjedhja dhe korrupsioni nuk janë probleme të reja në Shqipëri, por kjo është hera e parë kur maxhoranca në parlament voton për të ligjëruar vjedhjen. Kjo përbën një precedent të rrezikshëm nga kjo pikëpamje, ndaj duhet refuzuar dhe jam i bindur se do të arrihet me bashkimin e forcave të gjithë qytetarëve, pavarësisht bindjeve politike.

/Agjensia e Lajmeve Sot News/

Na Beni Like Ne Facebook: 
Total votes: 6

Lajme nga e njejta kategori

Postuar: 19/11/2018 - 23:23

Kreu i Partisë Demokratike, Lulzim Basha në një postim në rrjetet sociale përkujtoi pak minuta më parë ish-ministrin Sokol Olldashi, i cili humbi jetën në mënyrë tragjike, mbrëmjen e 19 nëntorit 2013.Ky nuk ka kaluar

Postuar: 19/11/2018 - 22:58

Avokati Spartak Ngjela ka komentuar situatën e kriminalitetit në vend duke nënvizuar se ka një te

Postuar: 19/11/2018 - 22:24

Ish-kryeministri Sali Berisha komentoi edhe protestën e banorëve të "Unazës së Re", ban

Postuar: 19/11/2018 - 22:13

Gazetarja Klodiana Lala ka veçuar një dosje të rëndësishme të quajtur Dosja 339/1, atje ku sipas

Postuar: 19/11/2018 - 22:09

Ish-kryeministri Sali Berisha ka komentuar arratisjen e Nikolas Gruevskit.

Postuar: 19/11/2018 - 22:01

Ish-kryeministri Sali Berisha shpërehet se opozita duhet të testojë edhe më pas të vendosë për fo

Postuar: 19/11/2018 - 21:53

Ish-kryeministri Sali Berisha ka thënë se nëse kryetari i një partie humbet zgjedhjet, atëherë du