Deputeti i njohur zbulon pistën e ‘fshehur’: Pse i duhej Ramës dhunuesi i Berishës?

Kreu i Partisë Demokratike Sali Berisha u godit të martën me grusht në fytyrë nga Gert Shehu, një 31- vjeçar i cili sipas mjekut që është marrë me kurimin e tij vuan nga probleme të shëndetit mendor.

Nënkryetar i Partisë Demokratike, Oerd Bylykbashi tha në “Now me Erla Mëhillin”, një ditë pas ngjarjes, se jo vetëm mendon që sulmi ndaj kryedemokratit ishte i organizuar, por pas pamjeve që kanë qarkulluar në media, është dhe më i përforcuar.

“Është rasti tipik. Edi Ramës i duhej dje që ky personazh i cili sigurisht është personazh, ka qenë në sferën e atyre që policia i kishte si kontaktin e vet, sigurisht që do të jetë e zorshme që të gjeni një oficer policie ta ketë bërë këtë, por persona të tjerë e kanë çuar deri aty", shpreh Bylykbashi.

Sipas tij, nga shteti do të dalin informacione se ka probleme mendore, ekonomike, apo dhe se është kundër patronazhistëve.