Deputeti i PD qarku Elbasan Lefter Gështenja denoncon vendimin antikushtetues të qeverisë “Rama”: Konfiskimet si ne 1945

Deputeti i PD për qarkun e Elbasan, Lefter Gështenja ka denoncuar sot përmes një reagimi në rrjetet sociale, vendimin antikushtetues të qeverisë “Rama” për të konfiskuar ndërtimet pa lejë. Sipas tij, qasja e qeverisë është e njëjta si ajo që aplikoi Enver Hoxha Konfiskimet në vitin 1945.

Postimi i plotë:

Konfiskimet, si në 1945!

Qeveria e Ramës si Komitetet Ekzekutive të diktaturës!

Prej disa muajsh, përmes një vendimi tërësisht antikushtetues, Kryeministri Edi Rama po firmos "konfiskime", prishje dhe përvetësime pasurish të paluajtshme bazuar thjeshtë në akte arbitrare, pa vendime gjykatash.

E gjithë kjo praktikë është e ngjashme me vendimet e dhunshme të diktaturës komuniste në vitin 1945, e cila përmes komitetesh ekzekutive, sekuestroi pasuri të mëdha të qytetarëve shqiptarë me argumenta qesharake.

Ende nuk ka një bilanc se sa pasuri shqiptarësh zhduku diktatura komuniste por vetëm në konfiskimin e floririt, besohet se janë më shumë se 44 milionë franga ari që në vlerën e sotme janë mbi 400 milionë euro.

Ashtu si në vitin 1945, Rama vendos se kush është fajtor, e kush duhet të ndërshkohet, se kush duhet të humbasë pasuritë pa vendime gjykatash, ndonëse edhe ato i ka vendosur nën kontroll të plotë.

Prej ardhjes në pushtet, Rama burgosi mijëra shqiptarë për ndërtime pa leje. Por tashmë, vendos ai se kush duhet të ndërtojë e kush jo, pa llogaritur në asnjë rast të drejtën e pronësisë.

Ky akt është tërësisht antikushtetues dhe kriminal.

 Çdo qytetari mund t’i hiqet e drejta e pronësisë, vetëm pas një procesi dhe vendimi të rregullt ligjor, pasi të kalojë të gjitha shkallët. Çdo mënyrë tjetër është abuzive dhe antiligjore!

Po kush janë problematikat e këtij modeli:

Vendimi i Qeverisë për “Konfiskimin” është në kundërshtim Konvetat Ndërkombëtare, Kushtetutën me ligjin!

Bazuar në legjislacionin aktual, ndërtuesit që kanë shkelur ligjin do duhej të procedoheshin nga Prokuroria, ku sipas informacioneve një pjesë e mirë janë të proceduar, ndërkohë me këtë vendim i shpëton nga ndëshkimi penal shkelësit, siguron disa ardhura, ndoshta më shumë në xhepat e tyre se sa në buxhetin e shtetit.

Vendimi i Qeverisë për “Konfiskimin” është në kundërshtim  me Kodin Penal ku në Nenin 36 sanksionohet “Konfiskimi jepet detyrimisht nga gjykata dhe ka të bëjë me marrjen dhe kalimin në favor të shtetit të pronës, sendeve, apo çdo pasurie tjetër”.

Procedura ekzekutive që po shoqëron gjithe procesin nuk është transparente si dhe bie në kundërshtim te plotë me zbatimin e ligjeve, si për punimet e ndertimit ashtu edhe pëe kontratat e shkëmbimit me palë të treta!

Të gjithë biem dakord, unë i pari qe subjektet ndertuese private kane shkelur ligjin dhe duhet te ndeshkohen sipas legjislacionit ne fuqi pa perjashtuar askend… të afert ose jo me qeverine , te afert ose jo me bashkine.

Pyetja qe shtrohet është po institucionet pergjegjese per kete katrahure a kane pergjegjesi pasi i gjithë ky proces ka ndodhur nën hundën e tyre?

Ku ishin strukturat ligjzbatuese për të monitoruar territorin deri në muajin shtator kur filloi dhe teatri i qeverisë së bashku dirigjuar nga kryeministri?

Pse u kujtuan për shkelje të ligjit dhe mospajisje me leje ndërtimi pas kaq shumë  vitesh kur nisën procedurat për këto ndërtime?

Pse tatimet nuk reaguan gjatë këtyre viteve ndërkohë që merrnin taksa me faturë dhe pa faturë nga financat e kompanive të ndërtimit?

Inspektoret, pergjegjesit, drejtorët e drejtorive si dhe drejtori i Përgjithshem i INUV-it, kryetari i Bashkise, ministrat etj, a kane patur dijeni, a kane pergjegjesi per keto ndertime pa leje?

Perse me dy standarte hapësira që  parashikon VKM për bllokimin e ndërtimeve pa leje, përmes së cilit pronarët e pallateve, pas pagesës së gjobës , duhet ta blejnë ndërtimin pa leje, me çmimi tregu dhe më pas  te legalizohet ?

Cili ka qene komunikimi i pare me subjektet shkelese te ligjit, perse nuk u zbatua ligji  per kontrollin dhe disiplinimin e punimeve te ndertimit , ku te mbaheshin akt-konstatimet  si dhe te ndiqeshin te gjitha hapat ligjor per te gjitha palet, si per palen qe zbatuese edhe per palet kontolluese?

Pse pikërisht ndodh kjo betejë e stisur dhe shantazhuese për biznesin e cdo niveli, 6 muaj para mbajtjes së zgjedhjeve?

Nderkohe e dime qe ne Tirane por jo vetem, ne cdo fshat te Shqiperise nuk mund te hapesh nje dritare pa leje ose te ndertosh nje avlli jo me te ndertosh  kate shtese apo pallate pa leje.

Pra, e gjitha nuk është për të vënë nën kontroll ndërtimet paleje, por të përfituar zyrtarët e lartë.

E frikshme është që mbyllin gojën intelektualët, shoqeria civile, avokatët, juristët, prokurorët, gjykatësit, dhe madje edhe faktori ndërkombëtar!

Nëse nuk reagohet ndaj kësaj politike konfiskimi me vendime personale të Kryeministrit, atëhere pasojat do të jenë të rënda.

Sot konfiskohen pallate, por nesër mund të konfiskohen llogari bankare, pasuri të luajtshme, etj etj  ashtu si në vitin 1945!

Zoti i ruajt shqiptarët nga mendjet e mbrapshta!