Deputeti i PS, Bujar Çela: Çelo Hoxha, pleh i dekompozuar, një ballist që merr frymë gabimisht dhe vegël antikombëtare që nuk e tjetërson dot luftën

Sulmet dhe akuzat e kreut të Institutit të Krimeve të Komunizmit, Çelo Hoxha në adresë të partizanëve që luftuan e dhanë jetën për çlirimin e vendit nga okupatori nazifashiste gjatë Luftës së Dytë Botërore, duket se i kanë fryrë edhe më tej zjarrit të debatit. Prej disa vitesh zoti Hoxha, në mënyrë të pakuptimtë ka nisur një ofensivë ndaj Luftës Antifashiste Nacional Çlirimtare, për të cilën ai dhe shumë të tjerë që besojnë verbërisht Ballin Kombëtar, mendojë se ka qenë një “luftë vëlla vrasëse”, ndërsa partizanët sipas tij dhe aleatëve të tij, kanë qenë kriminelë. Por duket se këto deklarata të ashpra në kufijtë e provokimit, kanë sjellë reagimin e fort të historianëve, deputetëve, politikanëve, komunitetit të veteranëve dhe pasardhësve të partizanëve, të cilët kanë dënuar këtë retorikë dhe madje gjuhën e përdorur nga zoti Hoxha. Gazeta “SOT”, gjatë këtyre dietave ka pasqyruar shumë zëra të rëndësishëm që rrëzojnë pretendimet e kreut të ISKK për luftën partizane, i cili pavarësisht deklaratave, vijon të “kërcënojë”, se me nxjerrjen e vëllimit të tretë të librit të tij do të bëjë namin dhe do demaskojë partizanët, duke u rrëzuara kështu kultin e tyre. Mirëpo, përballë kësaj situate, ka reaguar edhe deputeti i Partisë Socialiste për Qarkun e Fierit, Bujar Çela, i cili gjatë një prononcimi për gazetën “SOT”, ka shpërthyer në sulme e akuza të forta në adresë të drejtuesit të Institutit të Krimeve të Komunizmit, Çelo Hoxha. Ligjvënësi Çela që është një mbrojtës i LANÇ, e cilëson Çelo Hoxha një pleh i dekompozuar dhe një ballist që merr frymë gabimisht. Po ashtu, zoti Çela thekson se vëllimin e tretë me fakte të reja që zoti Hoxha kërcënon se do botojë kundër partizanëve, sipas tij, as për kaush farash lule dielli nuk do ta përdorin dhe se këto vepra kreu i ISKK do t’i mbeten stoqe. Më poshtë gazeta “Sot”, po sjell reagimin e plotë të deputetit të PS, Bujar Çela.

Ja reagimi i deputetit Bujar Çela për neoballistin Çelo Hoxha

Po ju përgjigjem! Mbiemri Hoxha është nga viset me të mëdhaja në Shqipëri. Por populli ka thënë se: “Çdo fis e ka ndonjë pis”. Por ky pisi s’mund të njollosi gjakun e pastër të gjithë bijave... e bijve të popullit shqiptar në luftën heroike Nacional Çlirimtare që na rreshtuan në popujt fitues, por dhe kontribuues në rajon për fitoren e 9- Majit mbi Nazi-Fashizmin! Respekt për të gjithë politikanët që mbrojnë luftën partizane dhe respektojnë gjakun e derdhur pa harruar asnjë që ka qenë ballë asaj lufte! Ai nuk është Z. Hoxha por as ‘muti’ Hoxha- meriton të thirret nder ballistët e fundit që marrin frymë gabimisht! Ky është ‘plehu i plehrave’ që na bënë pis ne të gjithëve! Ky vegël antikombëtare nuk e tjetërson dot konkluzionet e nxjerra nga aleatët e djeshëm kur mbaroj kjo luftë, por që fatmirësisht dhe të sotëm, që nuk rreshtin pa na përkrahur ne të gjitha organizmat ndërkombëtare, për gjakun e derdhur në këtë luftë (LANÇ)! Se kush ka qenë Balli Kombëtar...boll të shikoni... Çelo Turpin dhe nuk është e vështirë ta kuptosh! Qemal Stafa ka qenë frymëzim për të rinjtë që dolën malit dje dhe frymëzim dhe për çdo shqiptar që e do vendin e shqiponjave! Të nxjerri libra sa të dojë, por as për kaush për fara lule dielli s’do t’i përdori as kush... T’i shkruaj, t’i lexoj po vete dhe t’i marri me vete në atë botën tjetër! Partia Socialiste e ka vlerësuar dhe e vlerëson Luftën Antifashiste Nacional Çlirimtare (LANÇ), ku asnje datë lapidar apo ngjarje historike nuk e anashkalon, si kur është në opozitë, pa dyshim dhe në mazhorancë! S’ka askush fuqi për të hedhur baltë mbi gjakun partizanëve e që dhanë jetën në lule të rinisë! Ky me nder... kreu i ISKK, është një pleh i dekompozuar.