“Me zor po pres të them fjalën e fundit, do e shihni vetë”/ Rama jep lajmin e shumëpritur që do jetë shumë afër, tregon kur do nisë vaksinimi masiv për të gjithë qytetarët e vendit tonë

Ditën e sotme, kryeministri i vendit, Edi Rama, po mban një konferencë për shtyp me gazetarët në lidhje me pandeminë e covid-19.

Rama dha lajmin e shumëpritur në lidhje me vaksinimin masiv. Kryeministri u shpreh se do të nisë shumë shpejt, por nuk dha shumë detaje.

" Shumë shpejt do të fillojmë vaksinimin masiv, është çështje kohe shumë e shkurtë, jemi shumë afër dhe më vjen që nuk mund të them fjalën e fundit dhe mezi pres të the fjalën e fundit", tha Rama.

Rama: Është e qartë që vaksinimi është armë për të thyer zinxhirin e infeksionit, për ta kthyer vendin në një vend pa COVID19. Është frymëzuese ajo që po ndodh në Izrael e Britani, ku Izraeli po shkon drejt hapjes konstante, pasi e parapagoi trefish gjë që nuk e bëri asnjë vend tjetër, nga kompanitë Pfizer dhe Moderna, në procesin e vaksinimit. Britania e Madhe është faktikisht ku edhe lindi njëra nga vaksinat dhe pati avantazhin e një fillimi intesiv të vaksinimit dhe sot disponon të gjitha dozat dhe kryeministri njoftoi hapjen në prill të stadiumeve me 10 mijë persona, dhe hapjen përfundimtare në qershor të stadiumeve. Për këtë arsye jam me mish e me shpirt i angazhuar që sa më shpejt të mund të kemi vaksina për të hyrë në fazën finale, për tu çliruar nga ky makth. Vetëm vaksinimi do ta zbrapsë përfundimisht. Dua të gjithë të jenë të sigurt që siç siguruam marrëveshjen me Pfizer jashtë radhe, ashtu sikundër arritëm të fusim në proces dhe të përmbyllim brenda javës së dytë të marsit, vaksinimin e të gjitha bluzave të bardha, shumë shpejt do të nisim vaksinimin masiv. Është çështje kohe, s’jap dot më shumë detaje, por jemi shumë afër. Mezi pres ta them fjalën e fundit.