Do ketë bashkëpunim me PD-në dhe a do të dalë opozita me kandidatë të përbashkët në zgjedhjet vendore? Meta jep përgjigjen e prerë dhe tregon vendimin zyrtar: Merr fund ...

Kryetari i Partisë së Lirisë, Ilir Meta deklaroi ditën e sotme në konferencë për gazetarët se ka nisur përgatitjen për zgjedhjet e ardhshme vendore.

Meta u shpreh se shumë shpejt do të mbledhin komitetin e Partisë së Lirisë, ndërsa shtoi se kanë ambicie shumë të forta për këtë proces.

Ai tha se objektiv është fitorja e opozitës duke theksuar se janë të hapur për të bashkëpunuar me PD duke mbështetur kandidatët më të mirë.

“Kemi nisur përgatitjet për zgjedhjet e ardhshme vendore. Do mbledhim komitetin e PL. Kemi ambicie shumë të forta. Shqipëria do të ndahet nga regjimi një partiak dhe i paligjshëm.

Dhe do të rivendosë edhe demokracinë vendore, llogaridhënien dhe këto 4 vite të keqqeverisjes totale kanë qenë të mjaftueshme për t’i dhënë ndëshkimin e merituar.

Objektiv është fitorja e opozitës. Jemi të hapur për të bashkëpunuar me PD që të mbështeten kandidatët më të mirë për t’i qëndruar besnik llogaridhënies”, tha Meta.

Meta gjithashtu u shpreh se: Në mënyrë të padiskutueshme, e kam thënë edhe më përpara, për ne interesi kryesor është fitorja e opozitës. Shikoni bilancin, ka më shumë të punësur në pushtetin vendor, se ska ka patur ne 400 e ca bashki dhe komuna, esjhte psikologjia e klientelizmit. Kshu që po opozita duhet të dali në të gjithë Shqipërinë me kandidatë për përbashkët se jemi në kushtet e një shteti mafioz.