Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

A do ketë negociata me BE këtë Qershor? Franca merr vendimin që ‘shtang’ shqiptarët

Postuar: 22/05/2019 - 23:20

Partia e Presidentit francez Emanuel Macron ka kundërshtur hapjen e negociatave me Shqipërinë dhe me Maqedoninë e Veriut. “Këtë qershor do të jetë një jo e prerë” ka thënë nëpërmjet një interviste të publikuar në radion franceze RTL, ish-Ministrja franceze për Çështjet e Europës, Nathalie Loiseau, që kryeson listen e partisë për zgjedhjet europiane.

Ajo është shprehur se hapja e negociatave është një veprim i pamundur të paktën në qershor të këtij viti njësoj si verën e shkuar.

E cilësuar si krahu i djathtë i Presidentit francez, Nathalie Loiseau është shprehur se siç ka bllokuar hapjen e negociatave me Shqipërinë në vitin 2018 njësoj do të veprojë dhe tani.

“Ajo që bllokoi zgjerimin e Bashkimit Europian me Shqipërinë dhe Maqedoninë, isha unë si ministre. Vendimet brenda BE merren në unanimitet. Franca luftoi për tetë orë në atë mbledhje për të bindur partnerët që të thonin jo. Këtë e bëri vetë edhe presidenti Macron. Ju mendoni se ai ka ndryshuar mendim per nje vit’, ka replikuar ajo me kundershtaret politike qe e akuzonin se Macron do hape negociatat me Shqiperine.

“Ne do të jemi kundër, do të vazhdojmë të jemi kundër, ata janë gjeografikisht në Evropë, ne duhet t’i ndihmojmë ata, por zgjerimi tani nuk është i mundur”– është shprehur Nathalie Loiseau.

Ndërkohë që prononcimi i saj është i mbështetur dhe nga partia opozitare republikane.

“Mendoj se është një gabim i madh. Është një shtet i mbytur nga korrupsioni. Nëse bisedimet me Shqipërinë do të hapen në qershor, ne do të kundërshtojmë dhe do vendosim veton ndaj Shqipërisë”, tha para disa ditesh Laurent Ëauquiez, kryetar i Partisë Republikane.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/09/2019 - 19:19

Sekretari i Përgjithshëm i PD, Gazment Bardhi ka publikuar një dokument të Gjykatës së Janinës ku pretendohet se shtetasi Jorgo Toto është Agim Kajmaku, kryetar i Bashkisë së Vorës.

Postuar: 17/09/2019 - 19:10

Kreu i Këshillit të Evropës, Donald Tusk, gjatë konferencës për shtyp me Kryeministrin Edi Rama,

Postuar: 17/09/2019 - 19:05

Kryedemokrati Lulzim Basha ka qenë sot në qytetin e Shkodrës ku është takuar me strukturat e part

Postuar: 17/09/2019 - 18:54

Aleati i Bashës, Nard Ndoka deklaroi se për opozitën është e rëndësishme data 18 tetor për moment

Postuar: 17/09/2019 - 18:50

Kryeministri Edi Rama gjatë takimit të sotëm me Presidentin e Këshillit të Europës, Donald Tusk&n

Postuar: 17/09/2019 - 18:23

Ish ministri i kabinetit "Rama 1" dhe ish-deputeti i LSI-së, Edmond Panariti ka reguar

Postuar: 17/09/2019 - 18:07

Deputetja Rudina Hajdari ndryshe nga kryeopozitari Lulzim Basha dhe kryetarja e LSI-së, Monika Kr