"Do të kemi përplasjen e...", Kikia "zbërthen" prapaskenat për Portin e Durrësit: Përfundojmë në arbitrazh nëse...

Gazetari Mentor Kikia deklaroi në studion e lajmeve në MCN Tv se ndërprerja e grantave nga BE për Portin e Durrësit nuk është një lajm i mirë, por është një vendim i arsyeshëm pasi qeveria ka në plan ta transferojë portin tregtar në Porto Romano.

Duke vijuar shpjegimin e tij, Kikia tha se s’ka sens të investosh për një port, kur ekziston mundësia që në një të ardhme të afërt ai të prishet.

Më tej, Kikia tha se mund të lindin probleme me planet e qeverisë për transferimin e portit tregtar në Porto Romano me prishjen e kontratave koncensionare dhe se mund të përfundojmë në arbritrazh duke humbur akoma dhe më shumë para.

Granti i tërhequr është pjesë e një investimi për zgjerimin modernizimin e portit aktual si port tregtar, për të thelluar portin, për të përmirësuar përpunimin dhe shpejtësinë dhe në kushte që qeveria nuk ka në plan  që portin e Durrësit ta mbajë si port tregtar dhe do ta transferojë në Porto Romano atëherë në mënyrë krejtësisht të arsyeshme ky donacion tërhiqet se s‘ka sens të financosh një projekt në një port që nesër do prishet. Njësoj si të restaurosh një shtëpi në një pallat që do prishet. Ndërprerja nuk është asnjëherë një lajm i mirë. Problem më i madh që mund të lindë në raport me kompanitë investuese është me kompanitë që kanë marrëveshje koncensionare me qeverinë. Berisha iu referua njërës prej kontratave, por ka dhe të tjera se ka për përpunimin e kontejnerëve etj. Nëse nesër jepet urdhër që Porti të mbyllet si port tregtar dhe të zhvendoset në Porto Romao ku një tjetër autoritet tjetër do  menaxhojë, kontratat prishen dhe mund të përfundojë në arbitrazh dhe shteti do të vazhdojë të humbasë.
BE nuk ka të drejtë të vendosë veton për projekte me karakter ekonomik, por BE mund të mbajë shënim rrjedhën e bashkëpunimit ekonomik të qeverisë me ekonomi që s’kanë transparencën e duhur për një projekt që është porti i jahteve. BE mund të mos frenojë projektin ndërtimor por mund të kondicionojë marrëveshje të tjera ekonomike në kushtet që qeveria ofron asete të mëdha kompanive që nuk deklarojnë pronare se janë të regjistruara offshore.

Me atë klasën oligarkike janë të lidhur të gjithë, nëse flasim për portin e Durrësit, i gjithë objektivi i kritikave është lëshuar se 40% i përket një sipërmarrësi të huaj, 60% mbeten mister, që janë kompanitë guaskë pas të cilëve dyshohet se ka sipërmarrës shqiptarë. Në kushtet që nuk deklarohen pronarët legjitimë, mbetet e pasqaruar. Edhe nëse do të kemi të dhëna që na çojnë se kush fshihet pas projektit përgjithësisht edhe nga opozita kjo gjë nuk do atakohet se janë të njëjtët sipërmarrës që deri dje kanë përbërë oligarkinë kur PD-në ishte në pushtet dhe aktualisht.
Më tej, Kikia tha se seanca e ditës së nesërme nuk do të ketë asnjë surprizë dhe projekti do noterizohet pasi marrëveshjet për të janë mbyllur të gjitha.

Projekti për portin e Durrësit u kalua shpejt e shpejt me 2 seanca në komisionin e veprimtarive prodhuese, seanca e të enjtes nuk do të ketë asnjë surprizë pasi projekti do miratohet, janë bërë marrëveshjet dhe mbetet vetëm noterizimi. Do të kemi përplasjen e përhershme me deputetët e opozitës që do kenë një retorikë politike. Asnjëra palë nuk dëshiron të konflikohet me sipërmarrës që mund të qëndrojnë pas pjesës misterioze të projektit. Do miratohet.