Politike

Dorëhiqet sekretari i këshillit bashkiak të Shkodrës, Zëri i Amerikës paralajmëron ndryshimin e madh

Dorëhiqet sekretari i këshillit bashkiak të Shkodrës,

Shkodra po kalon një situatë mjaft të paqartë, pas dorëheqjes në marrjen e detyrës nga kryebashkiaku i dale nga zgjedhjet e 30 qershorit, Valdrin Pjetri. Ky i funti vendosi që të tërhiqej, pas akuzave se ka qenë i dënuar në Itali për trafik droge.

Zëri i Amerikës raporton se situata e paqartë, po shoqërohet nga dorëheqjet e zyrtarëve të kësaj bashkie. I pari që dha dorëheqjen është Sekretari i Këshillit të Bashkisë, Suel Hadri. Në njoftimin e dorëheqjes ai bën të ditur se e bën këtë “për arsye personale”.

Por besohet se dorëheqja e tij lidhet me konstituimin e Këshillit të ri Bashkiak, i cili zhvilloi mbledhjen e tij të parë ditën e hënë, me datë 19 gusht, në një situatë të tensionuar kur, para mjediseve ku po zhvillohej takimi, mbështetës të Partisë Demokratike protestuan duke tentuar disa herë të çajnë kordonin e policisë për t’u futur brenda në sallë. Gjithashtu dorëheqja e zotit Hadri pritet të shoqërohet edhe nga të tjera dorëheqje të zyrtarëve të tjerë, gjë që lidhet me situatën e ditëve të fundit në këtë bashki.