Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Dosja ndaj Spitalit Amerikan, nën hetim dhe për ndërtime pa leje, u ngritën godina në ambientet e “Ushtarakut”

Postuar: 21/07/2018 - 11:23

 

Thellohet skandali me zaptimin territorit të Spitalit të Traumës (Spitali Ushtarak) nga Spitali Amerikan. Të mërkurën gazeta tregoi me fakte se si prokuroria ka nisur hetimet ndaj kësaj shoqërie, lidhur me një sërë kontratash të firmosura me Spitalin e Traumës. Në vitet 2011 dhe 2013 mes tyre është rënë dakord që Spitali Amerikan të marrë me qera disa ambiente te Spitali Ushtarak. Vlera e rënë dakord është 300 lekë/m2 në muaj dhe ky spital mori dhe zaptoi 3 ambiente, një me sipërfaqe 222.3 m2, një tjetër 1.200 m2 dhe një tjetër 202 m2. Për të gjitha këto ambiente nuk është pagur qera dhe për këtë arsye KLSH në fund të muajit qershor ka vënë në lëvizje prokurorinë, duke kërkuar hetime. Por gazeta nga burime pranë Prokurorisë së Tiranës kanë mësuar se hetime po zhvillohen dhe sa i takon ndërtimeve pa leje. Sipas padisë së siguruar nga Prokuroria e Tiranës, subjekti Spitali Amerikan ka ndërtuar një objekt 222.3 m2 mbi ambientet e Spitalit Ushtarak pa leje ndërtimore. Po ashtu ka ndërtuar dhe një urë lidhëse po pa leje. Në padinë e KLSH theksohet e janë 3 objekte, për të cilat nuk rezulton të ketë asnjë dokument. “Ky përdor dhe një sipërfaqe prej 222.3 m2 , të cilën e ka ndërtuar mbi ambientet ekzistuese të spitalit, për të cilin institucioni nuk ka dokumentacion, si leje ndërtimore apo kontratë. Po kështu ka ndërtuar dhe një urë lidhëse ndërmjet godinës së tij dhe spitalit, me sipërfaqe 45 m2 , për të cilën nuk ka dokumente në SUT, çka konfirmohet dhe nga kartela e pasurisë bashkëlidhur Certifikatës së pasurisë së 6 datës 07.04.2015, ku përshkruhen 3 objekte pa leje apo ‘ndërtime të paligjshme’”, thuhet në padi. Ajo që bie në sy është se po hyjnë në burg qytetarë të thjeshtë që kanë rikonstruktuar banesat dhe nuk është marrë asnjë masë nga Policia Bashkiake, Policia e Shtetit apo INUK.

Auditimet e mëparshme

Kontrolli i Lartë i Shtetit ka kryer auditime disa vite në Spitalin e Traumës dhe duke qenë se rekomandimet nuk merreshin parasysh, është kërkuar ndërhyrja e prokurorisë. Gjatë një auditimi të kryer në vitin 2015 janë konstatuar të njëjta problematike. Por sipas KLSH, në këtë vit ka pasur dhe mungesë dokumentacioni. “Nga auditimi u konstatua se, praktika e dhënies më qira të subjektit nuk ka të gjithë dokumentacionin ligjor të nevojshëm për monitorimin e kontratës, si: procesverbalet e hollësishme për mënyrën e dorëzimit dhe të marrjes në dorëzim të objektit duke përshkruar në detaje gjendjen fizike të objektit deri në fotografim të çastit, veprim në kundërshtim me VKM nr. 529, datë 08.06.2011 “Për përcaktimin e kritereve, të procedurës dhe të mënyrës së dhënies me qira, enfiteozë apo kontrata të tjera të pasurisë shtetërore” i ndryshuar, Kreu VI “Monitorimi i kontratave”, ndryshuar me VKM nr. 54, datë 05.02.2014, i ndryshuar”, thuhet në dokument.

Shkeljet

Një ditë më parë gazeta tregoi se si KLSH ka zbuluar se Spitali Amerikan nuk ka pagur qeratë për ambiente që ka marrë në zotërim pranë Spitalit të Traumës. Që në vitin 2011 është arritur marrëveshje mes tyre dhe më pas nuk ka pasur kthim të detyrimeve. Bëhet fjalë për rreth 13.5 milionë lekë të reja./ Kliti TOPALLI

/Agjensia e Lajmeve Sot News/

Na Beni Like Ne Facebook: 
Total votes: 7

Lajme nga e njejta kategori

Postuar: 19/10/2018 - 22:09

Kryeministri Edi Rama i ftuar sot në “Zonën e Lirë” ka folur dhe për gazetarin e ERTV dhe për debatin që ka shkaktuar, pasi deputeti i PS, Fidel Ylli tha se gazetari është vullnetar.

Postuar: 19/10/2018 - 22:00

I ftuar në “Zonë e Lirë”  gazetari Arjan Çani e ka pyetur kryeministrin Edi Rama

Postuar: 19/10/2018 - 21:59

Kryeministri i Shqipërisë, Edi Rama prej disa ditësh ka deklaruar se do të mbyllë njëherë e përgj

Postuar: 19/10/2018 - 21:54

Kryeministri Rama i ftuar në "Zonë e lirë" është ngacmuar nga Çani për mbylljen e

Postuar: 19/10/2018 - 21:50

Kryeministri Edi Rama është i ftuar  sonte në emisionin “Zonë e Lirë”, ku ka fol

Postuar: 19/10/2018 - 21:37

Kryeministri Edi Rama ka qenë sot i ftuar në emisionin “Zonë e Lirë”, ku ka folur për

Postuar: 19/10/2018 - 21:34

I ftuar në emisoinin “Zonë e Lirë” kryeministri Edi Rama nuk i ka kursyer batutat e t